هەڵەیەک روویدا! دووبارە هەوڵبدە
دیمەنێکی رووداوەکە
رووداو دیجیتاڵ
دوای نیوەڕۆی ئەمڕۆ هەینی، هەمەرێکی ئیتاڵی لە نزیک کۆمەڵگای چڕەی سەر بە ناحیەی قەسرۆک لە سنووری قەزای شێخان وەرگەڕا و بەپێی زانیارییەکان، تەنیا زیانی مادی هەبووە.
قەزای شێخان دەکەوێتە سنووری پارێزگای دهۆک.
مەهران نێروەیی، بەڕێوەبەری ناحیەی قەسرۆک بە تۆڕی میدیایی رووداوی راگەیاند، کاژێر 1:45 خولەکی دوای نیوەڕۆ، ئۆتۆمبێلێکی سەربازیی ئیتاڵیا لە جۆری هەمەر لە سەر رێگای سەرەکی دهۆک بۆ هەولێر لە نزیک کۆمەڵگای چڕە وەرگەڕا.
بەگوتەی بەڕێوەبەری ناحیەی قەسرۆک چوار سەرباز لەنێو هەمەرەکە بوون و هەموویان سەلامەتن، تەنیا زیانی مادی بەر هەمەرەکە کەوتووە.
مەهران نێروەیی گوتیشی، "هەمەرەکە خۆی وەرگەڕاوە و بەرکەوتنی لەگەڵ هیچ ئۆتۆمبێلێکی دیکە نەبووە و هیچ سکاڵایەکمان لەسەر رووداوەکە پێنەگەیشتووە".
هەمەرێکی سەربازیی هێزەکانی ئیتاڵیا بە چوار سەربازەوە لە قەزای شێخان وەرگەڕا و تیمەکانیان بە هێلیکۆپتەر بە هانای سەربازەکانەوە دەچن و دەیانگوازنەوە pic.twitter.com/cRWbafhUAk
— Rudaw (@Rudawkurdish) August 23, 2024
بەپێی زانیارییەکانی رووداو، "دوو هێلیکۆپتەری سەربازی چوونەتە شوێنی رووداوەکە و سەربازەکانیان بەرەو هەولێر گواستووەتەوە".
کاروانە سەربازییەکەی ئیتاڵیا لە هەولێرەوە بەڕێکەوتووە و نازانرێت بەرەو کوێ بەرێگەوە بووە کە تووشی رووداوە هاتووچۆکە بووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ