هەڵەیەک روویدا! دووبارە هەوڵبدە
وێنەی کرێکارەکە
رووداو دیجیتاڵ
گوتەبێژی پۆلیسی زاخۆ دەڵێت، کرێکارێکی کوردی خەڵکی باکووری کوردستان، لەکاتی کارکردن لە باڵەخانەیەکی زاخۆ کەوتەخوارەوە و گیانی لەدەستدا.
رۆژی پێنجشەممە، 24ـی نیسانی 2025، ئەحمەد رەمەزان، گوتەبێژی پۆلیسی زاخۆ بە تۆڕی میدیایی رووداوی راگەیاند، نیوەڕۆی ئەمڕۆ نزیک کاژێر 11:00، کرێکارێک لەکاتی کارکردن لەسەر باڵەخانەیەکی نزیک کۆڕنیشی زاخۆ کەوتە خوارەوە، بە برینداری گەیێندرایە نەخۆشخانە، بەڵام بەهۆی سەختیی برینەکەیەوە لە نەخۆشخانە گیانی لەدەستدا.
ئەو کرێکارە تەمەنی 53 ساڵ و ئاسنگەر بوو، ناوی (ش. س) و خەڵکی دیلۆکی باکووری کوردستان بوو.
وەک گوتەبێژی پۆلیسی زاخۆ دەڵێت، کرێکارەکە لە نهۆمی سێیەمەوە کەوتووەتە خوارەوە، گورز بەر سەری کەوتبوو. دەشڵێت، بەپێی مادەی 411، پەڕاوی لێکۆڵینەوە بۆ ئەو رووداوە کراوەتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ