رووداو دیجیتاڵ
بەڕێوەبەرایەتیی هاتووچۆی هەولێر رایگەیاند، بە مەبەستی نوێکردنەوەی سیستمەکە، گرێبەستی ئۆتۆمبێل تاوەکو سەرەتای ساڵی نوێ رادەوەستێت.
ئەمڕۆ یەکشەممە، 24-12-2023، بەڕێوەبەرایەتیی هاتووچۆی هەولێر لە راگەیێندراوێکدا بڵاویکردەوە: "بە مەبەستی باشترکردن و (Update)ـی سیستەمەکە، لە ئەمڕۆوە سیستمی گرێبەستی ئەلیکترۆنی ئۆتۆمبێل رادەگیرێت".
بەگوێرەی راگەیێندراوەکەی هاتووچۆی هەولێر، لە 01-01-2024 سیستمەکە کارا دەکرێتەوە.
هاوتووچۆی هەولێر دەڵێت، لە ماوەی راگرتنی سیستمەکەدا کۆمپانیا و پێشانگەکانی فرۆشتنی ئۆتۆمبێل ئەگەر ئۆتۆمبێلیان فرۆشت دوای کاراکردنەوەی سیستمەکە گرێبەستی ئەلیکترۆنی ئەنجام بدەن بەو مەرجەی لە ناو گرێبەستەکەدا ئاماژە بە رێککەوتی فرۆشتنەکە درابێت.
گرێبەستی ئەلیکترۆنی لەلایەن کۆمپانیا و پێشەنگەکانی ئۆتۆمبێلەوە بۆ هەموو ئەو ئۆتۆمبێلانە دەکرێن کە دەفرۆشرێن، کەسی کڕیار هەرکات بیەوێت ئۆتۆمبێلەکە بخاتە سەر ناوی خۆی، مەرجە گرێبەستی ئەلیکترۆنی کردبێت بۆ راییکردنی مامەڵەکەی لە هاتووچۆ.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ