رووداو دیجیتاڵ
سەرۆکی هەرێمی کوردستان پەیامێکی پیرۆزبایی ئاراستەی بزووتنەوەی گۆڕان دەکات و دەڵێت، به پێزانينهوه له رۆڵى بزووتنهوهى گۆڕان له پرۆسهی سياسى له ههرێمى كوردستان و عێراق دهڕوانن.
ئەمڕۆ سێشەممە 25ی تەممووزی 2023 يادى 14 ساڵهى دامهزراندنى بزووتنهوهی گۆڕانە. نێچیرڤان بارزانی، سەرۆکی هەرێمی کوردستان پیرۆزبایی لە عومهری سهید عهلی، ئهندامانی جڤاتی نیشتمانی و جڤاتى گشتی کرد.
وەک نێچیرڤان بارزانی دەڵێت، "جهخت له تهبايى و هاريكاريى نێوان تهواوى هێز و لايهنه سياسييهكان و پێكهاتهكانى ههرێمى كوردستان و عێراق دهكهينهوه، تا ههموو پێكهوه بهرهو داهاتوويهكى باشتر ههنگاو بنێنين."
دەقی پەیامەکەی نێچیرڤان بارزانی، سەرۆکی هەرێمی کوردستان بۆ بزووتنەوەی گۆڕان:
يادى چواردهههمينى دامهزراندنى بزووتنهوهى گۆڕان له بهڕێزان عومهری سهید عهلی، ئهندامانی جڤاتی نیشتمانی، جڤاتى گشتی، لايهنگران و جهماوهرى بزووتنەوەی گۆڕان بهگشتى پيرۆز دهكهم، هيواى سهركهوتنيان بۆ دهخوازم.
لهم يادهدا به پێزانينهوه له ئامادهيى و ڕۆڵى بزووتنهوهى گۆڕان له پرۆسهى سياسى له ههرێمى كوردستان و عێراق دهڕوانين و جهخت له تهبايى و هاريكاريى نێوان تهواوى هێز و لايهنه سياسييهكان و پێكهاتهكانى ههرێمى كوردستان و عێراق دهكهينهوه، تا ههموو پێكهوه بهرهو داهاتوويهكى باشتر ههنگاو بنێنين.
نێچيرڤان بارزانى
سهرۆكى ههرێمى كوردستان
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ