رووداو دیجیتاڵ
هاتووچۆی گەرمیان دەڵێت، ئەمشەوی هەینی لەسەر رێگەی کەلار - دەربەندیخان لە نزیک گوندی عیسای نۆ کەس بە رووداوی هاتووچۆ بریندار بوون.
بەپێی راگەیاندنی هاتووچۆی گەرمیان، رووداوەکە لە ئەنجامی پێکدادانی دوو ئۆتۆمبێلی جۆری تۆیۆتا کامری و جێب واز لە سەر رێگەی کەلار - دەربەندیخان نزیک گوندی عیسای بە ئاراستەی کەلار هاتوون، نۆ کەس بریندار بوون کە چواریان منداڵن.
هاتووچۆی گەرمیان دەڵێت، بریندارەکان شۆفێری ئۆتۆمبێلی جۆری تۆیۆتا کامرییە، لەگەڵ شۆفێر و حەوت سەرنشینی جێب وازەکە، سەرجەمیان گەیەنراونەتە نەخۆشخانەی فریاکەوتنی شەهید هەژار لە کەلار.
دەشڵێت، "لەلایەن تیمی هاتووچۆوە لێکۆڵینەوە لە رووداوەکە دەستی پێکردووە بە مەبەستی زانینی هۆکارەکەی".
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ