هەڵەیەک روویدا! دووبارە هەوڵبدە
رووداو دیجیتاڵ
جێگری سەرۆکی لقی سلێمانیی یەکێتیی سەندیکاکانی کرێکاران دەڵێت، کرێکارێکی کوردی خەڵکی رۆژئاوای کوردستان، لەکاتی کارکردن لە باڵەخانەیەک لە سلێمانی کەوتە خوارەوە و گیانی لەدەستدا.
رۆژی یەکشەممە، 27ـی نیسانی 2025، کاوە شێخ سەلام، جێگری سەرۆکی لقی سلێمانی یەکێتیی سەندیکاکانی کرێکارانی هەرێمی کوردستان بە تۆڕی میدیایی رووداوی راگەیاند، "دوێنێ شەو کرێکارێک لەکاتی کارکردن لەسەر یەکێک لە پرۆژەکانی نیشتەجێبوون لە سلێمانی کەوتە خوارەوە، دواتر راستەوخۆ بۆ نەخۆشخانە گواسترایەوە، بەڵام ئەمڕۆ لە نەخۆشخانە گیانی لەدەستدا و تەرمەکەی رادەستی خێزانەکەی کرایەوە".
ئەو کرێکارە تەمەنی 25 ساڵ بووە و لە باڵەخانەکان کاری کردووە، ناوی (م. ع) و خەڵکی کۆبانێیە لە رۆژئاوای کوردستان.
بە گوتەی کاوە شێخ سەلام، کرێکارەکە لە نهۆمی یەکەمەوە کەوتووەتە خوارەوە و بەهۆی سەختی برینەکەیەوە گیانی لەدەستداوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ