رووداو دیجیتاڵ
لە رووهای باکووری کوردستان شەڕە بەرد لەنێوان دوو دراوسێ روویدا، بەهۆیەوە 11 کەس لە هەردوولا بریندار بوون.
ئێوارەی ئەمڕۆ یەکشەممە 27ـی تشرینی یەکەمی 2024، لە گەڕەکی ئایڤانات سەر بە شارۆچکەی سیڤەرەک لە رووهای باکووری کوردستان، شەڕە بەرد و دار لەنێوان دوو دراوسێ روویدا. بەهۆیەوە 11 کەس بریندار بوون.
پۆلیسی شارۆچکەی سیڤەرەک رایگەیاند، تاوەکو ئێستا نازانرێت هۆکاری شەڕەکەی نێوان دراوسێکان لەسەر چی بووە، بەڵام لەبەردەم دەرگەی سەرەکیی باڵەخانەکە دەمەقاڵەی تووند لە نێوانیان روویداوە. دواتر بۆ شەڕە بەرد و بەکارهێنانی دار پەرەی سەندووە.
دوو لە بریندارەکان برینەکانیان سەختە و لە نەخۆشخانەی گشتیی شارۆچکەی سیڤەرەک خەوێندراون. نۆ بریندارەکەی دیکەش دوای چارەسەرکردنی برینەکانیان لە نەخۆشخانە دەرچوون، بەڵام لەلایەن پۆلیس دەستبەسەر کراون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ