رووداو دیجیتاڵ
دابەشکردنی شەشەم بەشەخۆراکی مانگانە لە هەرێمی کوردستان دەستیپێکردووە. بریکارەکانی خۆراک داوا لە هاونیشتمانییان دەکەن سەردانیان بکەن بۆ وەرگرتنی بەشەخۆراکەکەیان.
کامەران فەتاح، بەڕێوەبەری بەڕێوەبەرایەتیی بازرگانی و کەلوپەلی خۆراک لە سلێمانی رۆژی چوارشەممە بە تۆڕی میدیایی رووداوی گوت، "دابەشکردنی بەشەخۆراک دەستیپێکردووە و بەردەوامە".
بەشەخۆراکی شەشەم بۆ هەر کەسێک ئەمانەیە: 9 کیلۆ ئارد، 3 کیلۆ برنج، کیلۆیەک شەکر، لیترێک رۆنی شل و کیلۆیەک نیسک. بڕی برنجەکە لە پێنجەم بەشەخۆراکدا دوو کیلۆ و نیو و نیسکەکەش نیو کیلۆ بوو.
هەر ئەمڕۆ غازی قادر، بریکاری دابەشکردنی خۆراک لە شاری هەولێر بە تۆڕی میدیایی رووداوی گوت، "دابەشکردنی خۆراکمان دەستپێکردووە و دوو رۆژە هاونیشتمانییان سەردانمان دەکەن بۆ بردنی بەشەکەیان".
لە هەرێمی کوردستان زیاتر لە 5 ملیۆن و 354 هەزار کەس مانگانە بەشەخۆراک وەردەگرن. لە سنووری سلێمانی و هەڵەبجە دوو ملیۆن و 74 هەزار و 129 کەس بەشەخۆراک وەردەگرن؛ لە پارێزگای هەولێر زیاتر لە ملیۆنێک و 960 هەزار کەس و لە پارێزگای دهۆکیش زیاتر لە ملیۆنێک و 320 هەزار کەس مانگانە بەشەخۆراک وەردەگرن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ