رووداو دیجیتاڵ
ئاسایشی سلێمانی رایدەگەیێنێت، چوار تۆمەتباری تاوانێکی کوشتنیان دەستگیرکردووە کە لە پارێزگای دهۆک کارەکەیان ئەنجامداوە.
بەڕێوەبەرایەتیی ئاسایشی پارێزگای سلێمانی، لە راگەیێندراوێکدا ئاماژەی بەوە کردووە، ئەو کەسانە لە یاسا هەڵاتوون و لە هۆتێلێکی شاری سلێمانی خۆیان حەشارداوە.
تۆمەتبارەکان بە گوتەی ئاسایش، لە ساڵی 2024 لە پارێزگای دهۆک لەسەر کێشەی کۆمەڵایەتی هاووڵاتییەکیان کوشتووە و هەڵاتوون.
بەڕێوەبەرایەتیی ئاسایشی پارێزگای سلێمانی، لە 19-8-2025، دوای چاودێری و بەدواداچوون و کۆکردنەوەی زانیاری، بە بڕیاری دادوەری لێکۆڵینەوەی ئاسایش توانییان هەر چوار تۆمەتبار دەستگیربکەن.
تۆمەتباران بە ماددەی 406 لە یاسای سزادانی عێراقی راگیراون و بەپێی تایبەتمەندیی کەیسەکەیان رادەستی بەڕێوەبەرایەتیی پۆلیسی پارێزگای دهۆک دەکرێنەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ