رووداو دیجیتاڵ
لە 6 مانگی رابردوودا 300 کەس لە پارێزگای کرماشان بە رووداوی هاتووچۆ گیانیان لەدەستداوە و زیاتر لە 7 هەزار کەسیش بریندار بوون.
بێهتاش خانی، بەڕێوەبەری گشتیی دادپزیشکیی پارێزگای کرماشانی رۆژهەڵاتی کوردستان رایگەیاند، لە 6 مانگی رابردوودا 300 کەس لەو پارێزگایە بە رووداوی هاتووچۆ گیانیان لەدەستداوە، ئەمەش بەراورد بە پار کە 294 کەس بوون، زیادی کردووە.
بە گوتەی بەڕێوەبەری گشتیی دادپزیشکیی پارێزگای کرماشان، لەو کەسانەی گیانیان لەدەستداوە، 57یان بەهۆی رووداوەکانی هاتووچۆ لەنێو شارەکان بووە و 243 کەسی دیکەش لە رێگەی نێوان شار و گوندەکان بووە.
بێهتاش خانی گوتی، لەو ماوەیەدا 7 هەزار و 217 کەسی دیکەش بەهۆی رووداوەکانی هاتووچۆ لە پارێزگای کرماشان بریندار بوون، لە کاتێکدا پار لە هەمان ماوەدا شەش هەزار و 42 کەس بریندار ببوون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ