![شاخەوان عەبدوڵڵا [لای راست] و فەرهاد ئەترووشی.](https://www.rudaw.net/s3/rudaw.net/ContentFiles/922671Image1.jpg?version=8339699 "شاخەوان عەبدوڵڵا [لای راست] و فەرهاد ئەترووشی.")
رووداو دیجیتاڵ
بەپێی زانیارییەکانی تۆڕی میدیایی رووداو، پارتی دیموکراتی کوردستان، شاخەوان عەبدوڵلا، جێگری دووەمی سەرۆکی پەرلەمانی لە خولی پێنجەمی پەرلەمانی عێراق، بەربژێر کردووەتەوە بۆ ئەوەی لە خولی شەشەمیش هەمان پۆست وەربگرێتەوە.
شاخەوان عەبدوڵڵا، ئەندامی خولی چوارەمی پەرلەمانی عێراق بوو و لە خولی پێنجەمیشدا دەرچووەوە و لە پشکی کورد [پارتی دیموکراتی کوردستان] بووە جێگری دووەمی سەرۆکی پەرلەمان.
لە کۆنگرەی 14ی پارتی دیموکراتی کوردستان، شاخەوان عەبدوڵڵا وەکو ئەندامی کۆمیتەی ناوەندی هەڵبژێردرا و بەربژێری بازنەی کەرکووکی ئەو حیزبەش بوو لە هەڵبژاردنی خولی شەشەم کە ئەم ساڵ بەڕێوەچوو.
هەر بەپێی زانیارییەکانی تۆڕی میدیایی رووداو، پارتی دیموکراتی کوردستان، فەرهاد ئەترووشی، وەکو سەرۆکی فراکسیۆنەکەی دیاریکردووە.
فەرهاد ئەترووشی، لە کابینەی هەشتەمی حکومەتی هەرێمی کوردستاندا، پارێزگاری دهۆک بوو و لە هەڵبژاردنی خولی شەشەمی پەرلەمانی عێراقیشدا، لە بازنەی دهۆک بەربژێر بوو.
لە خولی پێنجەمی پەرلەمانی عێراقدا، ڤیان سەبری سەرۆکی فراکسیۆنی پارتی دیموکراتی کوردستان بوو.
لە هەڵبژاردنی خولی شەشەمی پەرلەمانی عێراق دا، پارتی دیموکراتی کوردستان زیاتر لە 1.1 ملیۆن دەنگی بەدەستهێنا و 27 کورسی مسۆگەر کرد.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ