رووداو دیجیتاڵ
پۆلیسی سلێمانی رایدەگەیێنێت، لە پیرەمەگروون کەسێک لەلایەن دراوسێکەیەوە بە بەرد کوژرا. دەشڵێت تۆمەتبارەکە دەستگیر کراوە.
ئەمڕۆ هەینی، 30-05-2025، پۆلیسی سلێمانی رایگەیاند. "بەیانیی ئەمڕۆ، لە گەرەکی ئاسۆسی ناحیەی پیرەمەگروون، شەڕ رویداوە و کەسێک بە بەرد لە سەری دراوسێکەی داوە و برینداری کردووە، بریندارەکە بەهۆی سەختی برینەکەیەوە لە نەخۆشخانە گیانی لەدەستدا."
پۆلیسی سلێمانی دەڵێت، تۆمەتبارەکە ناوی (س.ح. ع) و لەدایکبووی ساڵی 1985ـە. دەشڵێت، تۆمەتبارەکە دوای کاژێرێک لە رووداوەکە دەستگیر کراوە.
تۆمەتبارەکە، بەبڕیاری دادوەر و بەپێی مادەی 405 لە یاسای سزادانی عێراقی راگیراوە و لێكۆڵینەوە لە رووداوەكە بەردەوامە. ئەمە بەگوێرەی پۆلیسی سلێمانی.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ