رووداو دیجیتاڵ
لە شاری سنەی رۆژهەڵاتی کوردستان، مەلایەکی کورد لەلایەن دادگەی تایبەت بە مامۆستایانی ئایینی، سزای 16 مانگ بەندکردنی بەسەردا سەپێندرا.
مامۆستا حوسێن عەلیمورادی، پێشنوێژی مزگەوت و بەڕێوەبەری قوتابخانەی زانستە ئایینییەکانی "ئیبراهیم خەلیلوڵڵا"ـی شاری سنە، لەلایەن دادگای تایبەت بە مامۆستایانی ئایینی هەمەدانەوە سزای ساڵێک و چوار مانگ بەندکردنی بەسەردا سەپێندرا.
بەپێی سەرچاوە خۆجێییەکان، دادگەی تایبەت بە مامۆستایانی ئایینی لقی هەمەدان بە تۆمەتی "چالاکیی دژی ئاسایشی وڵات" و "پڕوپاگەندە دژی کۆماری ئیسلامیی ئێران"، ئەو سزایەی بەسەر مەلاکەدا سەپاندووە.
ئەم مامۆستا ئایینییە خەڵکی شاری سنەیە و سەرەتای ئەیلوولی ئەم ساڵ بانگهێشتی دادگەی تایبەت بە مامۆستایان لە شاری هەمەدان کرابوو.
ئەو مامۆستا ئایینییە کوردە پێشتر لە 04-04-2023، لەلایەن هەمان دادگە، بەتۆمەتی "شێواندن و بەلاڕێبردنی رای گشتی" و "چالاکی دژی ئاسایشی وڵات" بە دوو ساڵ بەندکردن سزادرابوو، بەڵام سزاکەی هەڵپەسێدرابوو.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ