سەرۆک مەسعود بارزانی
رووداو دیجیتاڵ
سەرۆک بارزانی لە پێشانگەی نێودەوڵەتیی کتێب لە زاخۆ دەڵێت، ''وەک زۆرجاران بە ئێوەم گوتووە زاخۆییەکان رۆحی منن، ئەم جارە دەڵێم دڵی منیشن، نەوەک هەر رۆحم.''
ئەمڕۆ یەکشەممە 30-11-2025، بە ئامادەبوونی سەرۆک بارزانی، بۆ یەکەمجار لە سنووری ئیدارەی سەربەخۆی زاخۆ، پێشانگەی نێودەوڵەتیی کتێب کرایەوە کە بڕیارە شەش رۆژ بەردەوام بێت.
سەرۆک بارزانی دوای بەسەرکردنەوەی پێشانگەکە قسەی بۆ ئامادەبووان کرد و رایگەیاند، کردنەوەی پێشانگەی نێودەوڵەتیی کتێبی زاخۆ جێگەی دڵخۆشییە و ''ئینشائەڵڵا هەردەم ببینم کە زاخۆ شوێنی هونەر، کولتوور، جوامێری، کوردایەتی و پێشمەرگایەتی بێت.''
سەرۆک بارزانی گوتیشی: ''هەر وەک زۆرجاران بە ئێوەم گوتووە زاخۆییەکان رۆحی منن، ئەم جارە دەڵێم کە دڵی منیشن نەوەک هەر رۆحم، هەم دڵن و هەم رۆحن.''
پێشانگەکە لەنێو هۆڵی پێشانگەی نێودەوڵەتیی زاخۆ لە زانکۆی زاخۆ بەڕێوەدەچێت و رۆژانە کاژێر 10:00ی بەیانی تاوەکو 18:00ی ئێوارە کراوەیە کە دەزگەکانی چاپ و بڵاوکردنەوە لە هەموو شارەکانی هەرێمی کوردستانەوە تێیدا بەشدارن.
دەقی قسەکانی سەرۆک بارزانی:
بەناوی خودای گەورە و دلۆڤان، سوپاسی خودا دەکەم بۆ ئەو رۆژە خۆشە. دوێنێ لە جزیر و ئەمڕۆ لە زاخۆ. خودا ئینشائەڵڵا هەر خێر و خۆشی بدات و هەر کەیف بدات.
ئەو پێشانگە نێودەوڵەتییەی کتێب کە ئەمڕۆ لە زاخۆ کراوەتەوە، جێگەی دڵخۆشییەکی زۆر گەورەیە و ئینشائەڵڵا هەر ببینم زاخۆ شوێنی هونەر، کولتوور، جوامێری (مێرانی)، کوردایەتی و پێشمەرگایەتی بێت. زاخۆ، زاخۆیە.
دەستخۆشی لە ئێوە دەکەم و هیوای سەرکەوتن لە ئێوە دەکەم. ئینشائەڵڵا هەمووکات ببنیم کە زاخۆ لە پێشکەوتن و خۆشیدا بێت. هەر وەک زۆرجاران بە ئێوەم گوتووە زاخۆییەکان رۆحی منن، ئەم جارە دەڵێم کە دڵی منیشن نەوەک هەر رۆحم، هەم دڵن و هەم رۆحن. هەر سەرکەوتوو بن ئینشائەڵڵا.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ