لە یەزد 10 ئەندامی سوپای پاسدارانی ئێران کوژران

23-06-2025
دڵنیا رەحمان
دڵنیا رەحمان @dilnyarahman
نیشانەکردن جەنگی ئێران و ئیسرائیل
A+ A-
 
رووداو دیجیتاڵ

سوپای پاسدارانی ئێران کوژرانی لانیکەم 10 ئەندامی لە هێرشێکی ئاسمانیی ئیسرائیلدا بۆسەر بنکەیەکی مووشەکی لە پارێزگای یەزد پشتڕاستکردەوە. هاوکات سوپای ئیسرائیل دەڵێت، بۆ یەکەمجار بنکەی هەڵگرتنی مووشەکی "خوڕەمشار"یان لە قووڵایی خاکی ئێراندا کردووەتە ئامانج.
 
سوپای پاسداران لە پارێزگای یەزدی ئێران رایگەیاند، ژمارەی ئەو سەربازانەی لە هێرشەکەی ئیسرائیلدا بۆسەر پێگە سەربازییەکانی ئێران کوژراون، بەلایەنی کەمەوە گەیشتووەتە 10 کەس.
 
پێشتر سوپای ئیسرائیل رایگەیاندبوو، فڕۆکە جەنگییەکانی ئەو وڵاتە بۆ یەکەمجار بنکەی هەڵگرتنی مووشەکەکانی جۆری "خوڕەمشار"یان لە پارێزگای یەزد کردووەتە ئامانج، کە دەکەوێتە قووڵایی 2200 کیلۆمەتر لەنێو خاکی ئێرانەوە.
 
فەرماندەی هێزی ئاسمانیی ئیسرائیل رایگەیاند، هێرشەکە بنکەی مووشەکیی "ئیمام حوسێن"ی کردووەتە ئامانج و پێش ئەوەی مووشەکەکان ئاراستەی ئیسرائیل بکرێن، بە تەواوی لەنێوبراوە.
 
رۆژی 22-06-2025 ئیسرائیل هێرشی کردە سەر چەند ناوچەیەکی شاری یەزد.
 

کۆمێنتەکان

وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه‌

کۆمێنتێک دابنێ

داواکراوە
داواکراوە
 

دوایین هەواڵەکان

چەند بووتڵێکی کحولی ساختە.

بەهۆی خواردنەوەی کحولی قاچاخ لە ئێران 4 کەس گیانیان لەدەستدا

بەگوێرەی پۆلیسی ئێران، چوار کەس لە شاری ئێرانشەهر لە باشووری رۆژهەڵاتی وڵاتەکە، بەهۆی خواردنەوەی کحولی قاچاخەوە گیانیان لەدەستداوە و پێنج کەسی دیکەش ژەهراوی بوون. هاوکات پۆلیس رایگەیاند، سێ کەسیان لەسەر دۆسیەکە دەستگیرکردووە. ئەمە لە کاتێکدایە کە خواردنەوە و فرۆشتنی کحول لە ئێران قەدەخەیە و بازاڕێکی بەرفراوانی نایاسایی بۆ بەرهەمە قاچاخەکان دروست کردووە.