بەهۆی هەڵبژاردنەوە یەعقوبی وانەکانی لە نەجەف راگرت
رووداو دیجیتاڵ
یەکێک لە لێڤەگەڕ (مەرجەع)ـەکانی ئایینی شیعەکان لە نەجەف، وانەکانی لێکۆڵینەوەی دەرەکی لە نووسینگەکەی لە نەجەف بۆ ماوەی هەفتەیەک رادەگرێت، کە هاوکاتە لەگەڵ بەڕێوەچوونی هەڵبژاردنی پەرلەمان.
بەگوێرەی راگەیێندراوێکی نووسینگەی شێخ محەممەد یەعقوبی، کە یەکێکە لە لێڤەگەڕ (مەرجەع)ـەکانی نەجەف، وانەکانی لێکۆڵینەوەی دەرەکی رادەگرێت ئەوەش لەبەر هاوکاتبوونیان لەگەڵ هەڵبژاردنەکانی پەرلەمان کە رۆژی سێشەممە، 11-11-2025 بەڕێوە دەچێ.
لە راگەیێندراوەکەدا هاتووە، "ئەم راگرتنە بۆ ئەوەیە دەرفەت بۆ زانایان بڕەخسێت تاوەکو خەڵک هان بدەن بۆ بەشداریکردن لە هەڵبژاردن و رێنوێنییان بکەن بۆ هەڵبژاردنی بەربژێری لێهاتوو و دڵسۆز، کە پارێزەری بەرژەوەندییەکانی دەوڵەت و گەل بێت و لە خزمەتکردنی خەڵکدا درێخی نەکات."
بڕیارە رۆژی 11-11-2025 هەڵبژاردنی خولی شەشەمی پەرلەمانی عێراق بەڕێوەبچێت. پەرلەمانی عێراق لە 329 کورسی پێکدێت، کە 320یان گشتییە و 9 کورسیشیان کۆتایە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ