هەڵەیەک روویدا! دووبارە هەوڵبدە
رووداو دیجیتاڵ
دەستەی کەشناسی و بوومەلەرزەزانیی عێراق پێشبینی دەکات سبەی دووشەممە لە هەرێمى کوردستان و چەند شارێکى دیکەى عێراق لێزمەباران ببارێت و ئەگەرى بەفر بارین لە ناوچە شاخاوییەکان و دروستبوونى لافاو لە پارێزگا هاوسنوورەکانى ئێران هەیە.
19ى تشرینى دووەمى 2023، عامر جابری، بەڕێوەبەری راگەیاندن و پەیوەندییەکانی دەستەی کەشناسی و بوومەلەرزەزانیی عێراق، بە تۆڕى میدیایی رووداوى راگەیاند: "دوو نزمە شەپۆل لە دەریاى سوور و دەریاى سپى نێوەڕاست روویان لە عێراق کردووە و بەهۆیەوە شەپۆلی بارینى تووند پارێزگاکانى هەرێمى کوردستان و کەرکووک و پارێزگاکانى دیکەى رۆژهەڵاتى عێراق دەگرێتەوە کە هەورە برووسکەشی لەگەڵ دەبێت."
عامر جابرى گوتیشى: "بۆ شەوى دووشەممە ئەگەرى بەفربارین لە ناوچە شاخاوییەکانى هەرێمى کوردستان هەیە و بەهۆى زۆرى بارانەوە ئەگەرى دروستبوونى لافاو هەیە لەو پارزگایانەى کە هاوسنوورى ئێرانن، لەوانە؛ سلێمانى، دیالە، واست و میسان".
ئەمڕۆ یەکشەممە،19ى تشرینى دووەم شەپۆلێکی باران شارەکانى هەرێمى کوردستنانى گرتەوە و حکومەتى هەرێمى کوردستان دەوامى دووشەممەى کردە پشوو.
لەبەر هەمان شەپۆلی بارانبارین لە هەردوو پاررێزگاى نەینەوا و دیوانیە پشوو راگەیێندرا.
بەڕێوەبەری راگەیاندن و پەیوەندییەکانی دەستەی کەشناسی و بوومەلەرزەزانیی عێراق رایگەیاند، لەگەڵ ئەو شەپۆلەدا پلەى گەما کەمێک دادەبەزن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ