رووداو دیجیتاڵ
وەزارەتی نەوتی عێراق ئاماری هەناردە و داهاتی نەوتی مانگی رابردووی بڵاوکردەوە و رایگەیاند، داهاتەکەی زیاتر لە 7 ملیار دۆلار بووە.
بەگوێرەی ئامارێک کە ئەمڕۆ یەکشەممە 28ی ئەیلوولی 2025 کۆمپانیای بەبازاڕکردنی نەوتی عێراق (سۆمۆ) بڵاویکردووەتەوە، لە مانگی ئابدا 104 ملیۆن و 806 هەزار و 884 بەرمیل نەوتی خاو هەناردە کراوە و داهاتەکەشی حەوت ملیار و 160 ملیۆن و 253 هەزار و 23 دۆلار بووە.
لەو نەوتەی هەناردە کراوە، 103 ملیۆن و 895 هەزار و 706 بەرمیل نەوتی کێڵگەکانی نێوەڕاست و باشووری عێراق بووە؛ 977 هەزار و 187 بەرمیلیش لە کێڵگەی گەیارە لە پارێزگای نەینەوا و لە کەرکووکەوە بۆ ئوردن هەناردە کراوە.
ئەمە لەکاتێکدایە کە بەگوێرەی ئاماری سۆمۆ، لە مانگی تەممووزدا 104 ملیۆن و 750 بەرمیل نەوت هەناردە کرابوو و داهاتەکەشی حەوت ملیار و 143 ملیۆن و 21 هەزار دۆلار بوو.
لە مانگی حوزیرانی رابردووش عێراق، 98 ملیۆن و 882 هەزار و 613 بەرمیل نەوت هەناردەکردووە. داهاتەکەشی شەش ملیار و 698 ملیۆن و 21 هەزار دۆلار بوو.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ