دەم پارتی بۆ حکومەتی تورکیا: واز بێنن با گەلانی سووریا بڕیار لە داهاتووی خۆیان بدەن

12-01-2025
دیار سلێمان
A+ A-
رووداو دیجیتاڵ
 
هاوسەرۆکی دەم پارتی پەیامێک ئاراستەی حکومەتی تورکیا دەکات و دەڵێت: ''واز بێنن با گەلانی سووریا بڕیار لە داهاتووی سووریا بدەن''.
 
تونجەر باکرهان، هاوسەرۆکی پارتی یەکسانی و دیموکراسیی گەلان (دەم پارتی)، رۆژی یەکشەممە، 12ی کانوونی دووەمی 2025، لە گوتارێکیدا لە ئەنقەرە سەبارەت بە دۆخی سووریا و پرسی کورد رایگەیاند: ''بە دۆخێکدا تێدەپەڕین کە دەرفەتی زۆر لەخۆدەگرێت''.
 
هاوسەرۆکی دەم پارتی رووی دەمی کردە حکومەتی تورکیا و گوتی: ''واز بێنن با گەلانی سووریا بڕیار لە داهاتووی سووریا بدەن. ئەوێ چ پەیوەندییەکی بە ئێوەوە هەیە؟"
 
باکرهان راشیگەیاند: ''ئەگەر سووریا ببێتە تاکڕۆیی و نکۆڵی لە کورد بکات، نکۆڵی لە عەلەوییەکان و گەل و بیروباوەڕەکانی دیکە بکات، لەنێویان ببات، ئەو ناوچانەی ئەوان لێیان دەژین، بێ مرۆڤی بکات، چۆن دەتوانین بڵێین رژێمێکی نوێ؟ چ جیاوازییەکی لەگەڵ ئەسەد دەبێت؟''
 
هاوسەرۆکی دەم پارتی گوتی، تورکیا بە پاساوی پاراستنی ئاسایشەکەیەوە هێرش دەکاتە سەر رۆژئاوای کوردستان و رایگەیاند: ''ئەگەر لەوێ کێشەی ئاسایش هەبێت، ئەی لێرە (تورکیا)؟ گرتووخانەکان پڕن، هەر کەسێک دەمی بکاتەوە، سکاڵای لەسەر تۆمار دەکرێت و مرۆڤەکان ناتوانن رەخنە بگرن. لە راستیدا کێشەی ئاسایش لە وڵاتێکدا (تورکیا) هەیە کە مرۆڤەکان نازانن بە چ هۆکارێک دەستبەسەر دەکرێن.''
 
دەسەڵاتی بەشار ئەسەد لە 8ی کانوونی یەکەمی 2025 رووخا. 

 

کۆمێنتەکان

وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه‌

کۆمێنتێک دابنێ

داواکراوە
داواکراوە
 

دوایین هەواڵەکان

پارێزگاری ئیستەنبووڵ دەڵێت، لە کانوونی دووەمی ئەم ساڵدا 70 کەس لە پارێزگەکە بەهۆی خواردنەوەی کحولی ساختەوە گیانیان لەدەستداوە.

مانگی رابردوو 70 کەس بەهۆی خواردنەوەی کحولی ساختەوە لە ئیستەنبووڵ گیانیان لەدەستداوە

داود گوڵ، پارێزگاری ئیستەنبووڵ رایگەیاند، مانگی رابردوو بەهۆی خواردنەوەی کحولی ساختەوە 70 کەس لە پارێزگاکە گیانیان لەدەستداوە؛ ئاماژەی بەوەش کرد، بە مەبەستی رێگریکردن لە بەرهەمهێنان و بازرگانیکردن بە کحولی ساختە، تیمەکانیان چەندین هەڵمەتیان ئەنجامداوە.