رووداو دیجیتاڵ
لە بۆسنا زیاتر لە 2 هەزار کەس گردبوونەوە و داوا دەکەن کێشەی کۆچبەران لەو وڵاتە چارەسەر بکرێت، حکومەت بە خەتابار دەزانن کە نەیتوانیوە ئەو کێشەیە چارەسەر بکات.
شارۆچکەی بیهاج کە بووەتە ناوەندێكی کۆچبەران، کۆچبەرێکی زۆر لەوێ گیریان خواردووە، دوو هەزار کەس لەو شارۆچکەیە گردبوونەوە و دەڵێن حکومەتی وڵاتەکەیان هیچی نەکردووە بۆ پاراستنی خەڵکی ناوچەکە لەو رووداو و تاوانانەی کۆچبەران لە شارۆچکەکە دەیکەن. رووداوەکانیش بە گوتەی ئەوان بەرزبوونەتەوە.
هەینی رابردوو ناڕەزایەتی لە کەمپێکی بیهاج لە بۆسنە بووە هۆی ئەوەی پۆلیسێک بە چەقۆ هێرشی بکرێتە سەر و پۆلیس بە زەبری هێز بڵاوەی بە خۆپێشاندانی کۆچبەران کرد.
دانیشتووانی شارۆچکەکەی بۆسنا داوا دەکەن هەموو کەمپەکانی کۆچبەران دابخرێن و رێگەش لە جموجۆڵ و هاتووچۆی نایاسایی کۆچبەران بگیرێت.
ئێستا 3 هەزار کۆچبەر لەو شارۆچکەیە نیشتەجێن، زۆربەشیان خەڵكی پاکستان، ئەفغانستان و وڵاتانی باکووری ئەفریقان .
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ