لەنێو یانەی ئامەدسپۆر کە ئەم ساڵ بۆ یەکەمجار سەرکەوت بۆ سوپەرلیگی تورکیا، گفتوگۆکان لەسەر ئاشکراکردنی بەربژێری سەرۆکی نوێ کۆتاییان هات و ئێستا چاوەکان لەسەر ئاشکراکردنی ناوی کەسەکەن. سەرۆکی ژووری بازرگانی و پیشەسازیی ئامەد بە رووداوی راگەیاند، خۆی بەربژێر نییە و ناوی بەربژێرەکەش رۆژی دووشەممە بۆ رای گشتی رادەگەیێندرێ
چوار ساڵە تەنیا یەک ناونیشانیان هەیە، ئەویش نێو مینی پاسێکی کارەباییە کە کردوویانەتە ماڵ و پێی دەگەڕێن. زەرڤان، گەنجێکی کورد و تەیلەر، کچێکی ئەمریکی، بڕیاریانداوە ژیانیان لەسەر چوار ویل و لەنێو رێگەکاندا بەسەربەرن.
جێگری سەرۆکی گشتیی ئاکپارتی رایدەگەیەنێت کە دەستیان بە ئامادەکارییە تەکنیکییەکان کردووە بۆ ئەوەی رۆژی 21ـی ئادار "نەورۆز" بکرێتە پشووی فەرمی لە تورکیا، لە بەرامبەریشدا بریکاری فراکسیۆنی دەم پارتی دەڵێت، ئەوان پێشنیازیان داوەتە پەرلەمان و چاوەڕوانی پەسندکردنین.
گوتەبێژی ئاکپارتی رایگەیاند، ئەوان بەو هێرشە درۆنییەی کراوەتە سەر ماڵی نێچیرڤان بارزانی، سەرۆکی هەرێمی کوردستان، "زۆر دڵتەنگ و نیگەرانن" و هیوای سەلامەتی بۆ نێچیرڤان بارزانی دەخوازن.
دڵشاد شەهاب، گوتەبێژی سەرۆکایەتیی هەرێمی کوردستان دەڵێ، لەسەر راسپاردەی نێچیرڤان بارزانی، سەرۆکی هەرێمی کوردستان چوەتە ئامەد و رۆژی شەممەش لە ئاهەنگی نەورۆزدا پەیامی نێچیرڤان بارزانی دەخوێنێتەوە
هاکان فیدان، وەزیری دەرەوەی تورکیا دەڵێ، بەرپرسی سەرەکیی جەنگی ناوچەکە ئیسرائیلە، بەڵام ئاماژە بەوەش دەکات کە هێرشەکانی ئێران بۆ سەر وڵاتانی ناوچەکە هەڵەن و قبووڵ ناکرێن.
حکومەتی تورکیا کاردانەوەی بەرامبەر نەخشەیەکی پیشاندراوی کوردستان لە لایەن کەناڵی سی ئێن ئێنی ئەمریکییەوە نیشان دەدات و دەڵێ، نەخشەکە راستییە کۆمەڵایەتییەکان دەشێوێنێت
سەرۆکی گشتیی پارتی سەعادەت رایگەیاند، بەهۆی ئەوەی ناوی باڵیۆزی ئەمریکا لە ئەنقەرە لە دۆسیەکانی "جێفری ئێپستین"ـدا هاتووە، پێویستە حکومەتی تورکیا دەستبەجێ وەک "کەسی نەخوازراو" بیناسێنێت.
وەزیری بەرگریی تورکیا داوا لە هەسەدە دەکات بۆ سەرخستنی پرۆسەی چارەسەری لە تورکیا، بەپەلە مەرجەکانی رێککەوتن لەگەڵ دیمەشق جێبەجێ بکات و دەشڵێت: "تاوەکو دڵنیا نەبنەوە کە رێکخراوی تیرۆر لەسەر وڵاتەکەمان نابێتە هەڕەشە، بێ پچڕان لە چالاکییەکانمان بەردەوام دەبین."
هۆزان دینۆ، هونەرمەندی کورد بە تۆڕی میدیایی رووداوی راگەیاند، دوو کۆنسێرت لە ئەڵمانیا و هۆڵەندا سازدەکات و بەشی زۆری داهاتەکەیان وەک هاوکاری بۆ رۆژئاوای کوردستان دەنێرێ. هۆزان دینۆ گوتی، وەک هاوخەمییەک بۆ خەڵکی رۆژئاوای کوردستان لەو کۆنسێرتانەدا گۆرانیی شاد و هەڵپەڕکێ ناڵێ و نێوەڕۆکی کۆنسێرتەکانی تەنیا گۆرانیی شۆڕشگێڕی دەبن
