هەڵەیەک روویدا! دووبارە هەوڵبدە
رووداو - تەندروستی
پسپۆڕێکی وردی نەخۆشییەکانی گورچیلە ئاشکرای دەکات، دوای رۆژووشکاندن شۆربا و ئاو باشترین بژاردەی بەربانگن بۆ ئەوەی گورچیلەکان و جەستە شێدارببنەوە.
د. مەجید شێخانی، پسپۆڕی وردی نەخۆشییەکانی گورچیلەکان رایدەگەیێنێت، لە بەربانگ لە پەرداخێك زیاتر ئاو نەخورێتەوە، باشتریشە ئاوەکە زۆر سارد و بەفراو نەبێت، چونکە مەترسیی لەسەر گەدە و سوورێنچکیش دروستدەکات.
د. هونەر رێبوار، لەگەڵ د. مەجید شێخانی، پسپۆڕی وردی نەخۆشییەکانی گورچیلەکان لە پۆدکاستی نەخۆشنامە باسی خواردنەوەکانی بەربانگ و پارشێو دەکەن، دەشڵێن بەهیچ شێوەیەک خواردنەوە گازی و وزەبەخشەکان نەخورێنەوە، باشترین خواردنەوەکان ئاو، دۆ و ماستاو، شۆربا و میوە ئاودارەکانن.
د. مەجید شێخانی روونی دەکاتەوە، لە بەربانگ خواردنەوە گازییەکان نەخورێنەوە و باشترە لە بەربانگ تەنیا یەک پەرداخ ئاو بخورێتەوە.
لەبارەی شەربەتە دەستکردەکانیشەوە بە دوژمنی گورچیلەکان ناوی برد و پێی باشە کە هەرگیز نەخورێنەوە، چونکە رەنگی دەستکرد و شەکریان تێدایە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ