هەڵەیەک روویدا! دووبارە هەوڵبدە
د. شکۆ شێرکۆ، نوێنەرێکی پزیشکانی گشتیی دەرچووی ساڵی 2024.
رووداو - تەندروستی
نوێنەرێکی پزیشکانی گشتیی دانەمەزراوی ساڵی 2024 ئاشکرای دەکات، بە یاداشتنامەیەک سێ داواکارییان بە لایەنی پەیوەندیدار داوە و ئەگەر وەڵام نەدرێنەوە ئەوا 'خۆپێشاندان، گردبوونەوە و چالاکیی ناڕەزایی لە سەرتاسەری هەرێمی کوردستان دەکەن'.
پزیشکانی گشتیی دانەمەزراوی ساڵی 2024 ئەم داوایانەی خوارەوەیان لە یاداشتنامەکە نووسیوە؛
1- راگەیاندنی وادەیەکی دیاریکراو بۆ دامەزراندنمان.
2- لەدوای ئەم یاداشتنامەیەوە، وەزارەتی تەندروستی و لایەنە پەیوەندیدارەکان زانیاریی ورد و تەواومان پێبدەن لەبارەی رێکارەکانی دامەزراندنمان.
3- روونکردنەوەی فەرمی بۆ نەهێشتنی دەنگۆکان سەبارەت بە تێکهەڵکێشکردنی پزیشکانی حکومەتی هەرێم لە نەخۆشخانە حکومی و تایبەتەکان.
د. شکۆ شێرکۆ، نوێنەرێکی پزیشکانی گشتیی دەرچووی ساڵی 2024ـە و ئەمڕۆ لە بوولتەنی نووڕۆژ بە رووداوی گوت، بە یاداشتنامەیەک داوای خۆیان ئاڕاستەی لایەنی پەیوەندیدار کردووە، بەڵام هیچ وەڵامێکیان دەستنەکەوتووە و تاوەکو 31ـی ئەم مانگە مۆڵەتیان بە لایەنەکان داوە.
د. شکۆ شێرکۆ دەڵێت، هەموو پزیشکانی گشتیی ساڵانی رابردوو دامەزراون، تەنیا دەرچووانی 2024 نەبێت کە حەوت مانگە دواکەوتووە، بەگوتەی خۆیان: چارەنووسیان نادیارە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ