هەڵەیەک روویدا! دووبارە هەوڵبدە
رووداو - تەندروستی
پسپۆڕێکی نەشتەرگەرییەکانی ئێسک، شکان و جومگە رایدەگەیێنێت، 90٪ـی مرۆڤەکان لەژیانیاندا تووشی ئازاری پشت دەبن، سەرچاوەی ئازارەکانیش بە شێوەیەکی گشتی دەگەڕێتەوە بۆ گرژبوونی ماسوولکە و بەستەرەکان بەتایبەت لەو کەسانەی کە زۆر دادەنیشن و جووڵە و هاتووچۆیان کەمە.
د. هونەر محەممەد، پسپۆڕی نەشتەرگەرییەکانی ئێسک، شکان و جومگە بە رووداوی گوت، خراپترین جۆری جووڵە بۆ ئازاری پشت بەتایبەت بۆ کەسێک کە دەرچوونی دیسکی بڕبڕەکانی هەبێت بریتییە لە؛
1- چەمانەوە لەکاتی هەڵگرتنی کەلووپەلێکی قورس
2- سووڕانی جەستە لەسەر بڕبڕەکان
بە گوتەی د. هونەر محەممەد، ئەو جووڵە باشانەی كە پێویستە تووشبووی ئازاری پشت ئەنجامی بدات بریتین لە؛
1- مەلەكردن
2- سكواتكردن (واتە دانیشتن و هەستانەوە)
3- خۆهەڵواسین
4- وەستان لە ناو ئاو لەكاتی مەلەكردن
باشترین خۆراکیش باسدەکات بۆ کەمکردنەوەی هەوکردنی نێوان بڕبڕەکان وەکو؛ {زەنجەبیل، گوێز، بادەم، فستق، ماسی، كاهوو و ئاڤۆگادۆ}.
خراپترین خۆراک و خواردنەوەکانیش؛ {خواردنەوە گازی و وزەبەخشەکان و خواردنەوەی کحولییەکان و ئەوانەشی کە لە شەکر دروستدەکرێن}.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ