هەڵەیەک روویدا! دووبارە هەوڵبدە
رووداو دیجیتاڵ
هێشتا نزیکەی 5 هەزار کارتی دەنگدانی گشتی لە هەرێمی کوردستان وەرنەگیراونەتەوە، تاوەکو رۆژی 11-11-2025 دەرفەت ماوە بۆ وەرگرتنەوەی کارتەکان.
یەکشەممە 9ی تشرینی دووەمی 2025، دەنگدانی تایبەت لە عێراق و هەرێمی کوردستان بەڕێوەدەچێت و تاوەکو ئێستا نزیکەی 5 هەزار کارتی دەنگدانی گشتی لە هەرێمی کوردستان وەرنەگیراونەتەوە.
نەبەرد عومەر، بەرپرسی دەستەی هەڵبژاردنەکانی هەرێمی کوردستان لە کۆمسیۆنی باڵای سەربەخۆی هەڵبژاردنەکانی عێراق، بە تۆڕی میدیایی رووداوی راگەیاند: "پێویستە ئەو کەسانەی کارتەکانیان وەرنەگرتووەتەوە پەلە بکەن لە وەرگرتنەوەی، کات کەم ماوە."
بەپێی ئاماری کۆمیسیۆن زۆرترین کارت لە سلێمانی وەرنەگیراونەتەوە کە نزیکەی 2 هەزار و 500 کەس دەبن، ئەوانی دیکەش لە پارێزگاکانی هەولێر و دهۆکن.
نەبەرد عومەر دەڵێت، "هەموو دەنگدەرانی تایبەت کارتەکانیان وەرگرتووەتەوە، ئەوانەی ماون تەنیا دەنگدەری گشتین و تاوەکو رۆژی هەڵبژاردن کاتیان هەیە بۆ وەرگرتنەوەی کارتەکانیان."
دەنگدان بۆ خولی شەشەمی پەرلەمانی عێراق بە سیستمی ئەلیکترۆنی و لە رێگەی کارتی بایۆمەترییەوە دەبێت. یەکشەممە 9ی تشرینی دووەم، دەنگدانی تایبەت و رۆژی 11ی تشرینی دووەمی 2025، دەنگدانی گشتی بەڕێوەدەچێت.
بۆ هەڵبژاردنی پەرلەمانی عێراق، 21.4 ملیۆن کەس لە عێراق و هەرێمی کوردستان دەتوانن دەنگ بدەن، کە ئەوانە ئەو کەسانەن کارتی بایۆمەترییان بۆ دروستکراوە یان نوێیان کردووەتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ