رووداو دیجیتاڵ
ئەمڕۆ پێنجشەممە لە دووەم رۆژی جەژنی رەمەزاندا، وەزیری ناوخۆی عێراق بە سەردانێک گەیشتە کەرکووک.
فەلاح یایچی، قایمقامی قەزای ناوەندی پارێزگای کەرکووک بە تۆڕی میدیایی رووداوی راگەیاند، ئەمڕۆ پێنجشەممە، عەبدولئەمیر شەممەری، وەزیری ناوخۆی عێراق بە سەردانێک گەیشتە کەرکووک.
سەبارەت بە ئامانجی سەردانەکە، قایمقامی کەرکووک گوتی، یەکێک لە ئامانجەکانی کردنەوەی بەڕێوەبەرایەتی پۆلیسی حەویجەیە، لە بنکەی پۆلسی حەویجەوە دەبێتە بەڕێوەبەرایەتی پۆلیسی حەویجە. هەروەها وەزیری ناوخۆ سەردانی دامەزراوەکانی دیکەی سەر بە وەزارەتی ناوخۆ دەکات.
هەر لەوبارەوە، وەزارەتی ناوخۆی عێراق راگەیێندراوێکی بڵاوکردەوە و دەڵێت، عەبدولئەمیر شەممەری، وەزیری ناوخۆی عێراق بە یاوەری ژمارەیەک فەرماندە و ئەفسەر گەیشتە پارێزگای کەرکووک، بۆ ئاگاداربوون لە دۆخی ئەمنی و کاری دامەزراوەکانی وەزارەتەکە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ