رووداو دیجیتاڵ
لە یادی 59یەمین ساڵڕۆژی شۆڕشی ئەیلوول، سەرۆکی هەرێمی کوردستان پەیامێکی بڵاوکردەوە و رایگەیاندووە، باشترین وانەی شۆڕشی ئەیلوول کۆبوونەوەمان بوو لەژێر یەک چەتردا.
نێچیرڤان بارزانی، سەرۆکی هەرێمی کوردستان لە پەیامەکەیدا ئاماژەی بەوە کردووە، شۆڕشی ئەیلوول "له رۆژگارێكی سهخت و دژواردا و بۆ بهرگری له مان و مافی گهلی كوردستان به رابهرایهتیی مستهفا بارزانیی نهمر و به پشتیوانیی تێكۆشهره پێشهنگ و خهباتكارهكانی گهله دلێرهكهمان، ههڵگیرسا".
لە پەیامەکەی سەرۆکی هەرێمی کوردستاندا هاتووە "باشترین وانه و پهند كه لهو شۆڕشه مهزنهی وهربگرین، جگه له كۆڵنهدان و خۆڕاگری و بهگژاچوونهوهی سهختییهكان، تهبايى و يهكڕيزى و كۆبوونهوهمانه لهژێر یهك چهتر و لهپێناوی یهك ئامانجدا وهكو تاكه رێگهی گهیشتن به ئاوات و ئامانجه رهواكانمان".
دەقی پهیامی نێچیرڤان بارزانی، سهرۆكی ههرێمی كوردستان له یادی شۆڕشی مهزنی ئهیلوولدا:
ئهمڕۆ به شكۆوه یادی پهنجا و نۆ ساڵهی شۆڕشی مهزنی ئهیلوول دهكهینهوه كه له ڕۆژگارێكی سهخت و دژواردا و بۆ بهرگری له مان و مافی گهلی كوردستان به ڕابهرایهتیی مستهفا بارزانیی نهمر و به پشتیوانیی تێكۆشهره پێشهنگ و خهباتكارهكانی گهله دلێرهكهمان، ههڵگیرسا.
شۆڕشی ئهیلوول ڕهتكردنهوهی ئهو جهور و ستهم و واقیعه تاڵه بوو كه به سهر گهلهكهماندا سهپێندرابوو، ههر بۆیهش تێكڕای ڕۆڵهكانی گهلى كوردستان به ههموو نهتهوه و ئایین و ئایینزا و چین و توێژ و ناوچه جیاجیاكانیانهوه، لهژێر ئاڵای شۆڕشدا كۆبوونهوه، ههموو تواناكانیان یهكخست و نهسرهوتن تا به ئامانج گهیشتن و له ڕێككهوتننامهی یازدهی ئازاردا سهرهتای مافه ڕهواكانی گهلی کودستانیان بهدهستهێنا و ههر ئهوهش بووه بناغهی بهدیهاتنی دهسكهوتهكانی دواتر.
باشترین وانه و پهند كه لهو شۆڕشه مهزنهی وهربگرین، جگه له كۆڵنهدان و خۆڕاگری و بهگژاچوونهوهی سهختییهكان، تهبايى و يهكڕيزى و كۆبوونهوهمانه لهژێر یهك چهتر و لهپێناوی یهك ئامانجدا وهك تاكه ڕێگهی گهیشتن به ئاوات و ئامانجه ڕهواكانمان.
له یادی ئهو شۆڕشه مهزنهدا كه بووه قوتابخانهیهك بۆ بیری ئازادیخوازی و نیشتمانپهروهری و نهخشهڕێی تێكۆشان بۆ نهوهكانی دواتر، سڵاو و درود بۆ شههیدان و گیانفیدایانی شۆڕش و ههموو ئهو تێكۆشهر و پێشمهرگه پێشهنگانهی لهو ڕۆژگاره نالهبارهدا ڕێگای خهباتیان نیشانی گهلهكهمان دا و تۆوی ئومێدیان چاند و لهو پێناوهدا ژیان و گیانی خۆیان بهخت كرد.
نێچیرڤان بارزانی
سهرۆکی ههرێمی کوردستان
11/9/2020
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ