کوردستان
کۆبوونەوەی سەرۆکی هەرێمی کوردستان و سەرۆکی تیمی سەربەخۆی پێداچوونەوەی ستراتیژی بە ئەرکی نێردەی نەتەوە یەکگرتووەکان لە عێراق
رووداو دیجیتاڵ
سەرۆکی هەرێمی کوردستان پێشوازی لە سەرۆکی تیمی سەربەخۆی پێداچوونەوەی ستراتیژی بە ئەرکی نێردەی نەتەوە یەکگرتووەکان لە عێراق کرد و، سوپاسی هەوڵ و پشتگيريى نهتهوه يهكگرتووهكانی لە عێراق کرد بۆ هاوكارييهكانیان لە قۆناخه جياكاندا.
رۆژی چوارشەممە، 15-11-2023، نێچیرڤان بارزانی، سەرۆکی هەرێمی کوردستان لە هەولێر پێشوازی لە ڤۆلکەر پێرسێس، سهرۆكى تيمى سهربهخۆى پێداچوونهوهى ستراتيژى به ئهركى نێردهى نهتهوه يهكگرتووهكاندا له عێراق (يونامى) كرد.
سەرۆکایەتیی هەرێمی کوردستان دەڵێت، له كۆبوونهوهيهكدا بيروڕايان لەبارهى ئهرک و سهردانى پێرسێس بۆ عێراق و ديدار و كۆبوونهوهكانى لهگهڵ بهرپرسانى باڵاى عێراق گۆڕييهوه و تيشكيان خسته سهر ئهرک و كارهكانى تيمى نهتهوه يهكگرتووهكان و ئاژانسهكانى له عێراق و ههرێمى كوردستان.
نێچيرڤان بارزانى وێڕاى سوپاس و پێزانينى بۆ رۆڵ و پشتگيريى نهتهوه يهكگرتووهكان و ئاژانس و رێكخراوهكانى له عێراق و هاوكارييهكانى له بوار و قۆناخهجياكاندا، ئاماژهى به ههوڵ و كارهكانى يونامى كرد كه دواى پرۆسهى ئازادى، يارمهتيى عێراقى داوه بۆ سهقامگيرى و بهرهوپێشبردنى ديموكراسى و باشكردنى كارى دامهزراوهكان.
بەگوێرەی راگەیێندراوەکەی سەرۆکایەتیی هەرێمی کوردستان، پێرسێس، ديد و بۆچوونهكانى لەبارهى ئهركى يونامى له عێراق و داواكاريى عێراق بۆ پێداچوونهوه به ئهركى نێردهى نهتهوه يهكگرتووهكاندا خستهڕوو، "ههروهها سوپاسى سهرنج و بۆچوونهكانى بهڕێز سهرۆكى ههرێمى كوردستانى دهربارهى كار و ئهركى نهتهوه يهكگرتووهكان و ئاژانسهكانى بۆ هاوكارى و يارمهتيدانى عێراق كرد."
لە بەشێکی کۆبوونەوەکەدا، وەکو لە راگەیێندراوەکەیشدا ئاماژەی پێکراوە، "دۆخى ناوخۆى ههرێمى كوردستان، دوايين پێشهاتهكانى دۆخى سياسيى عێراق و ناوچهكه"، گفتوگۆی لەبارەوە کراوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ