رووداو دیجیتاڵ
گەنجێک کە بۆ راوەماسی چووبووە رووباری سیروان، خنکا. گوتەبێژی بەرگری شارستانی گەرمیان دەڵێت: "تاوەکو ئێستا تەرمەکەی نەدۆزراوەتەوە."
ئەمڕۆ شەممە، 21ـی ئەیلوولی 2024، ئیبراھیم محەمەد، گوتەبێژی بەرگریی شارستانی گەرمیان بە تۆڕی میدیایی رووداوی راگەیاند: "کاژێر 04:30 ئەمڕۆ، پەیوەندیمان پێوەکرا کە رووداوێکی خنکان لە رووباری سیروان روویداوە، دیاربوو گەنجێک لەگەڵ هاوڕێیەکی بە نیازی راوەماسی چووبوونە رووبارەکە و پێش گەڕانەوەیان دەستیان کردووە بە مەلەکردن؛ یەکێکیان بەناوی ئەحمەد حوسێن فەتحوڵڵا، کە تەمەنی 37 ساڵە خنکا."
گوتەبێژەکە دەشڵێت: "دوای زیاتر لە دوو کاژێر گەڕانی تیمە تایبەتەکانمان، نەمانتوانی تەرمی گەنجەکە بدۆزینەوە و بە ناچاری ئێوارە پڕۆسەی گەڕانمان راگرت و سبەی دەستپێدەکەینەوە."
بەپێی ئاماری حکومەتی هەرێمی کوردستان، لە سەرەتای ساڵی 2024 تاوەکو ئێستا زیاتر لە هەزار و 300 رووداوی ئاگركەوتنەوە، خنكان و هەڵدێران لە هەرێمی كوردستان تۆمارکراون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ