هەڵەیەک روویدا! دووبارە هەوڵبدە
رووداو دیجیتاڵ
تورکیش ئێیەرلاینز (هێڵی ئاسمانیی تورکیا) رایگەیاند، گەشتەکانیان بۆ هەولێر و بەغدا دەستپێدەکەنەوە کە بەهۆی جەنگی ئێران و ئیسرائیلەوە وەستابوون.
بیلال ئەکشی، بەڕێوەبەری گشتیی تورکیش ئێیەرلاینز، رۆژی سێشەممە، 24ی حوزەیرانی 2025 لە تۆڕی کۆمەڵایەتیی ئێکس بڵاویکردەوە: ''سبەی چوارشەممە، گەشتەکانمان بۆ هەولێر و بەغدا دەستپێدەکەنەوە''.
تورکیش ئێیەرلاینز بەهۆی جەنگی ئێران و ئیسرائیلەوە، لە رۆژی هەینی، 13ی حوزەیرانەوە گەشتەکانی بۆ عێراق و هەرێمی کوردستان راگرتبوون.
تورکیش ئێیەرلاینز دوێنی دووشەممەش بەهۆی هێرشە مووشەکییەکەی ئێران بۆ سەر بنکە سەربازییەکانی ئێران لە قەتەر، گەشتەکانی ئەو رۆژەی بۆ بەحرێن و کوێت، هەروەها بۆ شارەکانی دەوحە لە قەتەر، دەمام لە سعودیە، دووبەی و ئەبوزەبی لە ئیمارات و مەسقەت لە عومان راگرت.
جەنگی ئێران و ئیسرائیل 13ی حوزەیرانی 2025 دەستی پێکرد و تاوەکو رۆژی سێشەممە بەردەوام بوو.
وەستانی جەنگەکە دوای ئەوە هات، دۆناڵد ترەمپ، سەرۆکی ئەمریکا بەرەبەیانی ئەمڕۆ لە تۆڕی کۆمەڵایەتیی ترووس سۆشیاڵ رێککەوتنێکی بۆ "ئاگربەستی گشتگیر و تەواو" لەنێوان ئێران و ئیسرائیل راگەیاند.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ