هەڵەیەک روویدا! دووبارە هەوڵبدە
رووداو دیجیتاڵ
بەڕێوەبەری بەشی فریاکەوتنی نەخۆشخانەکانی پارێزگای سنە دەڵێت؛ لە مانگێکدا هەزار و 269 رووداوی هاتووچۆ لە پارێزگاکە روویانداوە.
ئەمڕۆ دووشەممە، 25ـی ئابی 2025، بابەک هودائی، بەڕێوەبەری بەشی فریاکەوتنی نەخۆشخانەکانی پارێزگای سنە لە رۆژهەڵاتی کوردستان رایگەیاند، ئەو رووداوانە لە 21-7-2025 تاوەکو 21-8-2025 تۆمار کراون، بەهۆیانەوە 2200 کەس بریندار بوون.
بابەک هودائی گوتی: "بە بەروارد بە پار رووداوەکانی هاتووچۆ لە پارێزگای سنە 11٪ زیادیان کردووە."
بەگوتەی بەڕێوەبەری بەشی فریاکەوتنی نەخۆشخانەکانی پارێزگای سنە، خێرایی زۆر، پشتگوێخستنی یاساکانی هاتووچۆ، ماندوێتی شۆفێر و خەواڵوویی و نەبەستنی پشتێنی سەلامەتی یان کڵاو بۆ ماتۆڕسوارەکان لە هۆکارە دیارەکانی ئەم رووداوانەن.
بەگوێرەی دادپزیشکیی ئێران، لە 21-03-2024 تاوەکو 21-03-2025 لانیکەم 20 هەزار و 45 کەس لە رۆژهەڵاتی کوردستان و ئێران بە رووداوی هاتووچۆ گیانیان لەدەستداوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ