هەڵەیەک روویدا! دووبارە هەوڵبدە
رووداو دیجیتاڵ
لە دوو رووداوی هاتووچۆدا لە پارێزگاکانی کرماشان و لوڕستانی رۆژهەڵاتی کوردستان، 6 کەس گیانیان لەدەستدا و پێنج کەسی دیکە برینداربوون.
ئێوارەی دوێنێ هەینی 28ی ئاداری 2025 ئەفشین یەگانە، بەڕێوەبەری پەیوەندییەکانی مانگی سووری پارێزگای کرماشان رایگەیاند، "لە ئەنجامی پێکدادانی دوو ئۆتۆمبێل لە رێگەی نێوان جوانڕۆ – سەلاسی باوەجانی لە پارێزگای کرماشان، چوار کەس گیانیان لەدەستدا و سێ کەسی دیکەش بریندار بوون."
بەپێی زانیارییەکانی پۆلیسی رێگەوبان، هۆکاری رووداوەکە تیژڕۆیی یەکێک لە ئۆتۆمبێلەکان بووە.
هەر دوێنێ ئێوارە، پۆلیسی رێگەوبانی پارێزگای لوڕستان بڵاویکردەوە، لە ئەنجامی پێکدادانی ئۆتۆمبێلێکی تایبەت و بارهەڵگرێک لە رێگەی کوهدەشتی پارێزگاکە دوو کەس گیانیان لەدەستداوە و دوو کەسی دیکە برینداربوون.
ساڵانە لە ئێران لەگەڵ دەستپێکردنی پشووەکانی نەورۆزدا رووداوەکانی هاتووچۆ زیاد دەکەن.
بەپێی ئامارەکان، لە 21-03-2024 تاوەکو 21-03-2025 لە ئەنجامی رووداوەکانی هاتووچۆ 20 هەزار و 45 کەس لە رۆژهەڵاتی کوردستان و ئێران گیانیان لەدەستداوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ