هەڵەیەک روویدا! دووبارە هەوڵبدە
رووداو دیجیتاڵ
حەوت رۆژە شۆفێری بارهەڵگرەکان لە رۆژهەڵاتی کوردستان و ئێران مانیان گرتووە.
ماوەی حەوت رۆژە شوفێری ئۆتۆمبێلە بارهەڵگرەکانی ئێران لە 70 شاری ئەو وڵاتە مانیان گرتووە و تاوەکو ئێستا مانگرتنەکەیان بەردەوامە.
شوفێرە مانگگرتووەکان داوا دەکەن کێشەی داهات و بژێوی شۆفێرانی بارهەڵگر چارەسەر بکرێت، سووتەمەنییان بە نرخی هەرزان پێبدرێت، کرێی گواستنەوە زیاد بکرێ، تێچووی بیمە کەمبکرێتەوە و هەروەها دادپەروەری هەبێت لە پێدانی باردا.
بەشێکی بەرچاو لە بارهەڵگرەکان راگیراون و ئامادەنین کەلوپەل بگوازنەوە. بەشێک لە تانکەرەکانی گواستنەوەی سووتەمەنیش مانیان گرتووە.
دوێنێ سێشەممە پۆلیسی ئێران بڵاویکردەوە، هەندێک کەس بە "هەڕەشە" داوا لە شۆفێران دەکەن پەیوەستی مانگرتن ببن، گوتیشی، ئەو کەسانە دەستبەسەر و سزا دەدرێن، چەندین کەسیش بەو تۆمەتە دەستبەسەرکراون.
ئەوە لە کاتێکدایە وەستانی گواستنەوەی کاڵا، راستەوخۆ کاریگەریی لەسەر بازاڕ و بەرزبوونەوەی نرخی کاڵاکان هەیە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ