رۆژهەڵاتی نێوەڕاست
بەرپەرچدانەوەی گومبەزی ئاسنین بۆ ئەو مووشەکانەی لە غەززەوە ئاراستەی ناوچەکانی ژێر دەستی ئیسرائیل دەکرێن. وێنە: Getty Images
رووداو دیجیتاڵ
گومبەزی ئاسنین سیستمێکی بەرگریی ئیسرائیلە، دەتوانێت ئەو مووشەک و هاوەن و درۆنانە بە ئاسمانەوە لەنێوببات کە ئاراستەی ناوچەی نیشتەجێبوون دەکرێن.
سیستمەکە لە هەموو کەشوهەوایەکدا کار دەکات و لە دووریی نێوان چوار تاوەکو 70 کیلۆمەتر مووشەکەکان دەدۆزێتەوە و بەرپەرچیان دەداتەوە.
یەکەمین دەزگای گومبەزی ئاسنین، لە ئاداری ساڵی 2011 لە نزیک شاری بیئر سەبع دانرا کە 40 کیلۆمەتر لە کەرتی غەززەوە دوورە. لەو کاتەوە ژمارەیەک دەزگای دیکە لە سەرانسەری ئەو ناوچانە دانراون، کە ئیسرائیل بە بەشێک لە خاکی خۆی دەزانێت.
کاتێک کە مووشەکێک دەهاوێژرێت، لەلایەن راداری گومبەزی ئاسنینەوە دەدۆزرێتەوە، دواتر داتاکان دەنێردرێن بۆ ئامێری لێکدانەوەی هەڕەشەکان، ئەگەر ئاراستەی مووشەکەکە بەرەو ناوچەیەکی نیشتەجێبوون بێت، ئەوا بەرپەرچی دەداتەوە و مووشەکەکە دوای چەند چرکەیەک لە ئاسمانەوە دەتەقێنێتەوە، ئەوەش لەڕێگەی هاویشتنی مووشەکێک لە یەکێک لە سێ هاوێژەرەکانیەوە، کە هەریەکەیان 20 مووشەک لەخۆدەگرێت.
سوپای ئیسرائیل دەڵێت، 75% تاوەکو 95% بەرپەرچدانەوەکانی گومبەزی ئاسنین سەرکەوتوون و تێچووی بەرپەرچدانەوەی هەر ئامانجێک 50 هەزار دۆلارە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ