رووداو دیجیتاڵ
گوتەبێژی وەزارەتی ناوخۆی سووریا دەڵێ، هەر جیاکارییەک لەسەر بنەمای تائیفییەت یان نەتەوەیی رەت دەکەنەوە؛ ئاماژە بەوەش دەکات، رەتکردنەوەی دابەشکردنی سووریا یان رەتکردنەوەی پەیڕەوکردنی سیستمی خۆبەڕێوەبەری و فیدراڵی، بە مانای قبووڵکردنی "سووکایەتیی رەگەزپەرستانە" نییە دژی هیچ پێکهاتەیەکی وڵاتەکە.
لە وەڵامی پرسیارێکی نالین حەسەن، پێشکێشکاری تۆڕی میدیایی رووداو، نوورەدین بابا، گوتەبێژی وەزارەتی ناوخۆی سووریا رایگەیاند: "رەتکردنەوەمان بۆ دابەشکردنی سووریا یان خۆبەڕێوەبەری و فیدراڵی، هەرگیز بە واتای هیچ سووکایەتییەکی رەگەزپەرستانە دژی هیچ پێکهاتەیەکی سووریا نایەت."
گوتەبێژەکەی وەزارەتی ناوخۆی سووریا باسی لەوە کرد، "دەوڵەتی سووریا بە یەکسانی بەرامبەر یاسا سەیری هەموو هاووڵاتییانی دەکات و هەموو جیاکارییەکیش لەسەر بنەمای تائیفییەت یان نەتەوەیی رەتدەکاتەوە."
ئەم لێدوانە لە کاتێکدایە، کورد و دروزەکان لە سووریا باس لەوە دەکەن، گرنگە سیستمی بەڕێوەبردنی سووریا گۆڕانی بەسەردا بێت و چی دیکە سیستمی ناوەندی جێبەجێ نەکرێ.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ