رووداو دیجیتاڵ
سوپای پاسداران دەڵێ، شەپۆلی 20ـمی هێرشەکانیان بۆ سەر بەرژەوەندییەکانی ئەمریکا لە ناوچەکە و ئیسرائیل دەستپێکردووە. ئاماژە بەوەش دەکات، ئۆپەراسیۆنەکە تێکەڵە و بە درۆن و مووشەک دەکرێ.
کاژێر 19:45 خولەکی ئێوارەی پێنجشەممە، 05-03-2026، پەیوەندییە گشتییەکانی سوپای پاسداران راگەیێندراوێکی بڵاوکردەوە و تێیدا دەستپێکردنی شەپۆلی 20ـمی ئۆپەراسیۆنی (بەڵینی راست 4)ـی راگەیاند.
بە گوێرەی راگەیێندراوەکە، هێرشەکە بە دروشمی ''یا معز المؤمنین'' بە شێوەی ''تێکەڵ، بەرفراوان و جۆراوجۆر'' بۆ سەر بەرژەوەندییەکانی ئەمریکا لە ناوچەکە و چەندین ئامانج لەنێو خاکی ئیسرائیل دەکرێ.
لە راگەیێندراوەکەدا ئەوەش هاتووە کە ئەم شەپۆلەی هێرش کە بە درۆن و مووشەک دەکرێ، لە تۆڵەی تێکشکاندنی کەشتیی جەنگیی ''دێنا''ـی ئێرانە کە لە ئەنجامی هێرشێکی ئەمریکادا لە کەناراوەکانی سریلانکا کرایە ئامانج و زیاتر لە 80 سەربازی هێزی دەریایی ئێرانی تێدا کوژرا.
جەنگی ئیسرائیل-ئەمریکا و ئێران لە رۆژی شەممە 28ی شوباتی 2026ـەوە دەستیپێکردووە و تاوەکو ئێستا بەردەوامە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ