هەڵەیەک روویدا! دووبارە هەوڵبدە
رووداو دیجیتاڵ
وەزارەتی دەرەوەی ئێران دەڵێت: هیچ شاندێک بۆ دانوستاندن نەچووەتە مەسقەت ـی پایتەختی عومان.
رۆژی چوارشەممە، 18ی حوزەیرانی 2025، عەباس عێراقچی، وەزیری دەرەوەی ئێران رایگەیاند،" سەرۆکایەتیی هیچ شاندێک ناکەم و هیچ شاندێکمان نەناردووەتە عومان."
عێراقچی گوتی: "من وەک سەرۆکی شاندی دانوستانکاری ئێران لە تارانم و ئەو هەواڵانە رەتدەکەمەوە کە باس لە چوونی شاندی ئێران دەکەن بۆ عومان."
هەر لەم بارەوە ئیسماعیل بەقایی، گوتەبێژی وەزارەتی دەرەوەی ئێران گوتی:" هەواڵی چوونی شاندی دانوستانکاری ئێران بۆ مەسقەت دوورە لە راستی."
ئەو روونکردنەوەیەی وەزارەتی دەرەوەی ئێران لە کاتێکدایە پێشتر لە هەندێک میدیا بڵاوکرابوویەوە،کە شاندی دانوستانکاری ئێران گەیشتوونەتە مەسقەت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ