رووداو دیجیتاڵ
شاخەوان عەبدوڵڵا، وەکو سەرۆکی فراکسیۆنی پارتی دیموکراتی کوردستان لە پەرلەمانی عێراق دیاریکرا.
سیپان شێروانی، ئەندامی فراکسیۆنی پارتی دیموکراتی کوردستان لە پەرلەمانی عێراق، ئەمڕۆ یەکشەممە بە تۆڕی میدیایی رووداوی گوت: "ئەمڕۆ بە بڕیاری سەرکردایەتیی پارتیمان، د. شاخەوان وەکو سەرۆکی فراکسیۆن لە پەرلەمانی عێراق هەڵبژێردرا".
لەبارەی گوتەبێژ و بڕیاردەری فراکسیۆنی پارتی لە پەرلەمانی عێراق، سیپان شێروانی گوتی: "تاوەکو ئێستا یەکلا نەکراونەتەوە و تەنیا پۆستی سەرۆک فراکسیۆن دیاریکراوە".
شاخەوان عەبدوڵڵا، بەربژێری سەرکەوتووی پارتی دیموکراتی کوردستانە لە پارێزگای کەرکووک و لە خولی پێنجەمدا جێگری سەرۆکی پەرلەمانی عێراق بوو.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ