ئەم ساڵ 49 ملیۆن گەشتیار چوونەتە تورکیا

02-11-2024
دیار سلێمان
A+ A-
 
رووداو دیجیتاڵ

وەزیری کولتوور و گەشتوگوزاری تورکیا، ژمارەی گەشتیارانی 9 مانگی یەکەمی ئەم ساڵی بۆ باکووری کوردستان و تورکیا راگەیاند.
 
محەممەد نووری ئەرسۆی، وەزیری کولتوور و گەشتوگوزاری تورکیا رایگەیاند، لە 9 مانگی یەکەمی ئەم ساڵدا 49 ملیۆن و 181 هەزار گەشتیار سەردانی باکووری کوردستان و تورکیایان کردووە.
 
ئەرسۆی گوتی، "داهاتی گەشتیاریمان لە 9 مانگی سەرەتای ساڵی 2024دا 46 ملیار و 900 ملیۆن دۆلار بووە، لە کاتێکدا لە 9 مانگی سەرەتای پاردا 44 ملیار دۆلار بوو." 
 
بە گوتەی ئەو وەزیرەی تورکیا، ژمارەیەکی زۆر لەو گەشتیارانە خەڵکی رووسیا، ئەڵمانیا و بەریتانیا بوون، بە جۆرێک لەو 9 مانگەدا 5 ملیۆن و 473 هەزار و 380 گەشتیاری رووسیایی، 5 ملیۆن و 157 هەزار و 493 گەشتیاری ئەڵمانیایی و 3 ملیۆن و 679 هەزار و 381 گەشتیاری بەریتانیایی بوون.
 
هەر بەگوێرەی وەزارەتی کولتوور و گەشتوگوزاری تورکیا، لە 9 مانگی سەرەتای پاردا 45 ملیۆن و 230 هەزار گەشتیار چووبوونە باکووری کوردستان و تورکیا.
 

کۆمێنتەکان

وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه‌

کۆمێنتێک دابنێ

داواکراوە
داواکراوە
 

دوایین هەواڵەکان

پارێزگاری ئیستەنبووڵ دەڵێت، لە کانوونی دووەمی ئەم ساڵدا 70 کەس لە پارێزگەکە بەهۆی خواردنەوەی کحولی ساختەوە گیانیان لەدەستداوە.

مانگی رابردوو 70 کەس بەهۆی خواردنەوەی کحولی ساختەوە لە ئیستەنبووڵ گیانیان لەدەستداوە

داود گوڵ، پارێزگاری ئیستەنبووڵ رایگەیاند، مانگی رابردوو بەهۆی خواردنەوەی کحولی ساختەوە 70 کەس لە پارێزگاکە گیانیان لەدەستداوە؛ ئاماژەی بەوەش کرد، بە مەبەستی رێگریکردن لە بەرهەمهێنان و بازرگانیکردن بە کحولی ساختە، تیمەکانیان چەندین هەڵمەتیان ئەنجامداوە.