رووداو دیجیتاڵ
دوای سەردانی شاندی ئیمرالی بۆلای ئۆجەلان، دەم پارتی رایگەیاند، رێبەری پەکەکە لەبارەی پڕۆسەی چارەسەری بە شاندەکەی گوتووە، "لە قۆناخی ئێستادا بەرەوپێشچوونی ئەم پڕۆسەیە بە هەنگاوە سیاسی و یاساییەکانەوە بەندە."
رۆژی هەینی 03-10-2025 شاندی ئیمرالی، کە پێکهاتبوون لە پەروین بوڵدان، پەرلەمانتاری دەم پارتی لە بازنەی وان و بریکاری سەرۆکی پەرلەمانی تورکیا؛ میدحەت سانجار، پەرلەمانتاری دەم پارتی لە بازنەی رووها و پارێزەر فایەق ئۆزگور ئەرۆڵ سەردانی عەبدوڵڵا ئۆجەلان، رێبەری زیندانیکراوی پارتی کرێکارانی کوردستان - پەکەکەیان کرد و ئەمڕۆ شەممە ئەنجامەکەیان لە راگەیێندراوێکدا خستەڕوو.
شاندی ئیمرالی نزیکەی سێ کاژێر و نیو لەگەڵ ئۆجەلان دیداریان هەبووە. بەگوێرەی راگەیێندراوەکە، "ئۆجەلان وەک هەموو جارێک بە ورە، تەندروست و متمانە بەخۆبوونێکی بەرزەوە دەرکەوت."
دەم پارتی لە زاری ئۆجەلانەوە زانیاریی خستووەتەڕوو و دەڵێت، گوتوویەتی "بە پڕۆسەی ئاشتی و کۆمەڵگەی دیموکراسی کە ساڵی رابردوو دەستیپێکرد، شەڕ و پێکدادان لە وڵاتدا وەستێندرا و رێگری لە زۆر مەترسی گەورە کرا. هەر کەسێک رۆڵ لەمەدا بگێڕێ، خاوەنی ماندووبوونێکی شکۆدار و گەورەیە."
دەم پارتی دەڵێت، ئۆجەلان جەختی لەسەر چارەسەرکردنی کێشەکان لە رێگەی گفتوگۆوە کردووەتەوە و گوتوویەتی، "شارستانییەت، دوای سێ سەتە لە پێکدادانە وێرانکەرەکان و زیانە گەورەکان لە شەڕە جیهانییەکان، دیموکراسی و گفتوگۆی وەک مۆدێلێکی گرنگی چارەسەری پەرەپێدا. ئەم رێبازە دەبێت بۆ چارەسەرکردنی کێشە نێوخۆیی و دەرەکییەکانی تورکیا وەک بنەما وەربگیرێت."
بەگوێرەی راگەیێندراوەکەی دەم پارتی، "ئۆجەلان پێشنیازی کرد کە لە هەموو پەیوەندییە سیاسی و کۆمەڵایەتییەکاندا گفتوگۆی دیموکراسی باڵادەست بێت".
رێبەری زیندانیکراوی پەکەکە لە قسەکانیدا لەگەڵ شاندی ئیمرالی باسی لە بانگەوازی خۆی لە 27ـی شوبات بۆ چەکدادانی پەکەکە کردووە و ئاماژەی بەوەکردووە، "ئێمە لە پشت قسەی خۆمانین کە بەرەوپێشچوونی ئەم پڕۆسەیە بە هەنگاوە سیاسی و یاساییەکانەوە بەندە."
دەم پارتی دەڵێ، رێبەری پەکەکە جەختی لەسەر ئەوە کردەوە کە لە قۆناخی ئێستادا "دیاریکردن و جێبەجێکردنی پێداویستییە یاساییەکان بە تێڕوانینێکی راست و یەکگرتوو گرنگە."
لە کۆتایی راگەیێندراوەکەدا دەم پارتی رایگەیاندووە، "ئۆجەلان ئاماژەی بەوەدا، سەتەی نوێی کۆمار دەبێت لەسەر بنەمای یاسای ئاشتی و دیموکراسی دروست بکرێت".
شاندەکە دوایینجار رۆژی 28ی ئابی 2025 سەردانی دوورگەی ئیمرالی کرد و لەگەڵ ئۆجەلان کۆبووەوە.
ئەم سەردانانە لە کاتێکدان، پڕۆسەیەکی چارەسەری ماوەی یەک ساڵە لە تورکیا دەستیپێکردووە و دەسەڵات، ئۆجەلان و دەم پارتییش دەڵێن، هەوڵ دەدەن ئەنجامی باشی هەبێت.
12ی ئایاری 2025 پەکەکە ئەنجامی کۆنگرەی 12ی خۆی راگەیاند، کە لە 5-7ی ئایار بەڕێوەچووبوو. پەکەکە بڕیاری خۆهەڵوەشاندنەوە و کۆتاییهێنان بە خەباتی چەکداریی دا.
دوای سەردانی شاندی ئیمرالی بۆلای ئۆجەلان، دەم پارتی رایگەیاند، رێبەری پەکەکە لەبارەی پڕۆسەی چارەسەری بە شاندەکەی گوتووە، "لە قۆناخی ئێستادا بەرەوپێشچوونی ئەم پڕۆسەیە بە هەنگاوە سیاسی و یاساییەکانەوە بەندە."
رۆژی هەینی 03-10-2025 شاندی ئیمرالی، کە پێکهاتبوون لە پەروین بوڵدان، پەرلەمانتاری دەم پارتی لە بازنەی وان و بریکاری سەرۆکی پەرلەمانی تورکیا؛ میدحەت سانجار، پەرلەمانتاری دەم پارتی لە بازنەی رووها و پارێزەر فایەق ئۆزگور ئەرۆڵ سەردانی عەبدوڵڵا ئۆجەلان، رێبەری زیندانیکراوی پارتی کرێکارانی کوردستان - پەکەکەیان کرد و ئەمڕۆ شەممە ئەنجامەکەیان لە راگەیێندراوێکدا خستەڕوو.
شاندی ئیمرالی نزیکەی سێ کاژێر و نیو لەگەڵ ئۆجەلان دیداریان هەبووە. بەگوێرەی راگەیێندراوەکە، "ئۆجەلان وەک هەموو جارێک بە ورە، تەندروست و متمانە بەخۆبوونێکی بەرزەوە دەرکەوت."
دەم پارتی لە زاری ئۆجەلانەوە زانیاریی خستووەتەڕوو و دەڵێت، گوتوویەتی "بە پڕۆسەی ئاشتی و کۆمەڵگەی دیموکراسی کە ساڵی رابردوو دەستیپێکرد، شەڕ و پێکدادان لە وڵاتدا وەستێندرا و رێگری لە زۆر مەترسی گەورە کرا. هەر کەسێک رۆڵ لەمەدا بگێڕێ، خاوەنی ماندووبوونێکی شکۆدار و گەورەیە."
دەم پارتی دەڵێت، ئۆجەلان جەختی لەسەر چارەسەرکردنی کێشەکان لە رێگەی گفتوگۆوە کردووەتەوە و گوتوویەتی، "شارستانییەت، دوای سێ سەتە لە پێکدادانە وێرانکەرەکان و زیانە گەورەکان لە شەڕە جیهانییەکان، دیموکراسی و گفتوگۆی وەک مۆدێلێکی گرنگی چارەسەری پەرەپێدا. ئەم رێبازە دەبێت بۆ چارەسەرکردنی کێشە نێوخۆیی و دەرەکییەکانی تورکیا وەک بنەما وەربگیرێت."
بەگوێرەی راگەیێندراوەکەی دەم پارتی، "ئۆجەلان پێشنیازی کرد کە لە هەموو پەیوەندییە سیاسی و کۆمەڵایەتییەکاندا گفتوگۆی دیموکراسی باڵادەست بێت".
رێبەری زیندانیکراوی پەکەکە لە قسەکانیدا لەگەڵ شاندی ئیمرالی باسی لە بانگەوازی خۆی لە 27ـی شوبات بۆ چەکدادانی پەکەکە کردووە و ئاماژەی بەوەکردووە، "ئێمە لە پشت قسەی خۆمانین کە بەرەوپێشچوونی ئەم پڕۆسەیە بە هەنگاوە سیاسی و یاساییەکانەوە بەندە."
دەم پارتی دەڵێ، رێبەری پەکەکە جەختی لەسەر ئەوە کردەوە کە لە قۆناخی ئێستادا "دیاریکردن و جێبەجێکردنی پێداویستییە یاساییەکان بە تێڕوانینێکی راست و یەکگرتوو گرنگە."
لە کۆتایی راگەیێندراوەکەدا دەم پارتی رایگەیاندووە، "ئۆجەلان ئاماژەی بەوەدا، سەتەی نوێی کۆمار دەبێت لەسەر بنەمای یاسای ئاشتی و دیموکراسی دروست بکرێت".
شاندەکە دوایینجار رۆژی 28ی ئابی 2025 سەردانی دوورگەی ئیمرالی کرد و لەگەڵ ئۆجەلان کۆبووەوە.
ئەم سەردانانە لە کاتێکدان، پڕۆسەیەکی چارەسەری ماوەی یەک ساڵە لە تورکیا دەستیپێکردووە و دەسەڵات، ئۆجەلان و دەم پارتییش دەڵێن، هەوڵ دەدەن ئەنجامی باشی هەبێت.
12ی ئایاری 2025 پەکەکە ئەنجامی کۆنگرەی 12ی خۆی راگەیاند، کە لە 5-7ی ئایار بەڕێوەچووبوو. پەکەکە بڕیاری خۆهەڵوەشاندنەوە و کۆتاییهێنان بە خەباتی چەکداریی دا.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ