هەڵەیەک روویدا! دووبارە هەوڵبدە
رووداو دیجیتاڵ
یانەی کریستاڵ پاڵاس لە یاریی کۆتایی جامی یەکێتیی ئینگلتەرا، لە یاریگای وێمبڵی بە گۆڵێکی بێبەرامبەر لە مانچێستەر سیتی بردەوە و مێژوویەکی نوێی تۆمار کرد.
ئیبێرچی ئێزێ لە خولەکی 16 گۆڵی بردنەوەی تۆمارکرد و کریستاڵ پاڵاسی کردە خاوەن یەکەم نازناو لە مێژووی خۆیدا.
سەرەڕای ئەوەی مانچێستەر سیتی %80ی کۆنتڕۆڵی تۆپی لابوو و 23 هەوڵی گۆڵکردنی هەبوو، بەڵام نەیانتوانی بەرگرییەتۆکمەکەی کریستاڵ پاڵاس تێکبشکێنن.
دین هێندرسۆن، گۆڵپارێزی کریستاڵ پاڵاس رۆڵی سەرەکی بینی لە بردنەوەی نازناوەکە،
ئەو لە خولەکی 36 لێدانێکی سزای عومەر مەرموشی گەڕاندەوە و بە درێژایی یارییەکە چەندین هەلی مەترسیداری لەسەر گۆڵەکەی دوورخستەوە.
ئۆلیڤەر گلاسنەر، راهێنەری کریستاڵ پاڵاس لە سەرەتای ساڵی 2024 دەستبەکار بووە و لە ماوەیەکی کەمدا توانیویەتی یانەکەی بگەیەنێتە ئاستێکی بەرز و جامێکی مێژوویی بۆ بەدەستهێنا.
ئەم بردنەوەیە کریستاڵ پاڵاس دەکاتە یەکێک لە یانە بەشداربووەکانی پاڵەوانێتییە ئەورووپییەکانی وەرزی داهاتوو، کە ئەمە گرنگییەکی تایبەتی هەیە بۆ یانەکە و هاندەرەکانی.
ئەمە یەکەم وەرزە لەکاروانی کارکردنی پێپ گواردیۆلا لە مانچێستەر سیتی، یانەکەی ھیچ نازناوێک بەدەست ناهێنێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ