جیهان
کۆبوونەوەی نێچیرڤان بارزانی، سهرۆكى ههرێمى كوردستان و سيناتۆر كريس ڤان هۆڵن، ئهندامى ئهنجوومهنى پيرانى ئهمريكا لە میونشن
رووداو دیجیتاڵ
ئەندامێکی ئەنجوومەنی پیرانی ئەمریکا لە کۆبوونەوەیدا لەگەڵ نێچیرڤان بارزانی، پشتیوانیی کۆنگرێسی ئەمریکای بۆ هەرێمی کوردستان دووپات کردەوە.
له درێژهى كارنامهكهيدا له كۆنفرانسى ئاسايشى ميونشن، پاشنيوهڕۆى ئهمڕۆ ههينى 14-02-2025 نێچیرڤان بارزانی، سهرۆكى ههرێمى كوردستان له ديدارێكدا "لەگەڵ دۆستى دێرينى كوردستان،" ئهندامى ئهنجوومهنى پيرانى ئهمريكا سيناتۆر كريس ڤان هۆڵن کۆبووەوە و سوپاسى پشتگيريى بهردهوامى كۆنگرێسى ئەمريكاى له ههرێمى كوردستان كرد.
بەپێی راگەیێندراوی سەرۆکایەتیی هەرێمی کوردستان، لاى خۆیەوە سيناتۆر هۆڵن ستايشى رۆڵى ههرێمى كوردستانى له پاراستنى ئارامى و سهقامگيري له ناوچهكه كرد، "بهردهواميى پشتيوانيى كۆنگرێس و دۆستانى گهلى كوردستانى له ئەمريكا بۆ ههرێمى كوردستان، دووپات كردهوه."
دوايين پێشهاتهكانى ناوچهكه بهگشتى و لێكهوتەکانی لە رۆژههڵاتى نێوهڕاست، تهوهرێكى ديكهى كۆبوونهوهكه بوو.
لە ئەمڕۆوە تاوەکو 16ـی شوبات، بە بەشداریی بەشێکی زۆر لە سەرکردەکانی رۆژهەڵاتی نێوەڕاست، ئەورووپا و جیهان کۆنفرانسی ئاسایشی میونشن لە ئەڵمانیا بەڕێوەدەچێت.
لە کۆنفرانسەکەدا، سەرۆک، سەرکردە، بەرپرسانی سیاسی و سەربازی وڵاتانی جیهان بەشداری دەکەن، گفتوگۆ لەسەر کێشە و ئاڵنگارییە ئەمنییەکانی جیهان دەکەن، پرسە گرنگەکانی وەکو شەڕ، تیرۆر، گۆڕانی کەشوهەوا و ئاسایشی سایبەری تاوتوێ دەکرێن.
سێ لە پرسە سەرەکییەکانی کۆنفرانسەکە تاوتوێکردنی ئاگربەست لە غەززە، وەستانی شەڕی نێوان رووسیا - ئۆکراینا و دۆخی سووریان.
ئەمە 61ـەمین کۆنفرانسی ئاسایشی میونشنە؛ کۆنفرانسەکە سەکۆیەکە بۆ گفتوگۆ لەسەر پرسە سەرەکییەکانی ئاسایش و سیاسەتی دەرەوە.
ـ
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ