لەباکووری کوردستان سەدان هەزار هاونیشتمانیمان هەیە کە لەسەر ناسنامەکەیان نووسراوە 1-1 لەدایکبوون
رووداو دیجیتاڵ
لە نێو خێزانەکانی کوردستان، زۆرینەیان کەسێکی تێدایە 1-1 رۆژی لەدایکبوونی بێت، بەتایبەت ئەوانەی تەمەنیان لەسەروو 35 ساڵییەوە بووبێ ، رەنگە هەندێکیان وەک خۆی تۆمارکرابێ، بەڵام مەرج نییە هەمووی لەو رۆژە لەدایک بووبێت.
1-1و 1-7 ئەو دوو رۆژەن کە زۆربەی هاونیشتمانیانی کوردستان وەک رۆژی لە دایکبوونیان لە ناسنامەکەیان نووسراوە، ئێستا بەشێک لەوانەی رۆژی لە دایکبوونیان راست نییە کاتێک لە دایک و باوکیان دەپرسن دەیانەوێ بزانن کەیە، زۆبەیان نمونەی وەرزەکانیان پی دەڵێن نەک رۆژ.
ئێستا و لەم سەردەمە ئەو شتە زۆر کەمە یان هەر نییە، چونکە راستەوخۆ لە نەخۆشخانە رۆژی لەدایکبوون تەنانەت کاژێری هاتنە دونیاش تۆماردەکرێ.
لەباکووری کوردستان سەدان هەزار هاونیشتمانیمان هەیە کە لەسەر ناسنامەکەیان نووسراوە 1-1 لەدایکبوون و زۆرینەیان تەمەنیان لەنێوان 35 بۆ 40 ساڵە.
هۆکارەکەی ئەوەیە کە زۆرینەیان لە گوندەکان دەژیان و تاوەکو تەمەنیان گەورە نەدەبوو ناسنامەیان نەبوو، کاتێک پێویستیان بە کارێکی فەرمی هەبووایە ئەوکات دەچوون ناسنامە دەربهێنن. لەبەر ئەوەی کە مێژووی دروستی لەدایکبوونیان نەزانیوە کارمەندانی باری شارستانی 1-1ـیان لەسەر ناسنامەکانیان دەنووسی.
ئیبراهیم پیركی هونەرمەندی باکووری کوردستان کە خۆی ناسنامەکەی 1-1ـی لەسەر نووسراوە بە رووداوی راگەیاند: تاوەکو گەورە بووم کەسێک لە منی نەپرسی ناسنامەت هەیە یان نا، تاوەکو گوندەکەمان سووتان و ناچاربووین بچینە ئامەد دوایی ناسنامەیان بۆ دەرهێناین و رۆژی لەدایکبوونمان بووە 1-1.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ