رووداو دیجیتاڵ
میدیاکانی ئێران لیستێکیان بڵاوکردووەتەوە کە ئەو شوێن و کەسایەتییانەن لە هێرشەکانی بەیانیی ئەمڕۆی ئیسرائیلدا کراونەتە ئامانج. بەپێی زانیارییەکان، هێرشەکان تەنیا تارانی پایتەختی نەگرتووەتەوە، بەڵکو چەندین شاری گەورە و دامەزراوەی هەستیاری ئەتۆمی و سەربازیشی کردووەتە ئامانج.
"بەیانیی ئەمڕۆ هەینی 13ـی حوزەیرانی 2025، سوپای ئیسرائیل چەند ئامانجێکی لە تاران و چەند پارێزگایەکی دیکەی ئێران و رۆژهەڵاتی کوردستان بۆردوومان کرد، جگە لە فەرماندە باڵاکانی سوپای پاسداران، چەندین زانای ئەتۆمیش کرانە ئامانج.
ئەم هێرشانە کاریگەریی لەسەر ناوچەکە هەبوو و ئوردن و عێراق سەرجەم گەشتە ئاسمانییەکانیان راگرت. پەیامنێری رووداو لە بەغدا دەڵێت: بڵاوە بە هێزێکی زۆر کراوە.
ئاژانسی تەسنیم دەڵێت: "رژێمی زایۆنی بەم کردەوەیە سەلماندی کە ئامانجی راستەقینەی، زانست و تەکنەلۆژیایە و بە چەکی تیرۆر، هاتووەتە جەنگ دژی زاناکانمان، بەمەش ناوی ئەم شەش کەسە خرایە پاڵ لیستی زانا ئەتۆمییە تیرۆرکراوەکانی کۆماری ئیسلامیی ئێران."
ئامانجکردنی کەسایەتییە باڵاکان
فەرماندە سەربازییەکان:
- حوسێن سەلامی، سوپاسالاری سوپای پاسداران
- لیوا غوڵام عەلی رەشید لە سوپای پاسداران
- لیوا محەممەد باقری، سوپاسالاری هێزە چەکدارەکانی ئێران
- فەرەیدوون عەباسی، سەرۆکی پێشووتری رێکخراوی وزەی ئەتۆمیی ئێران
- محەممەد مەهدی تێهرانچی، سەرۆکی زانکۆی ئیسلامیی ئازاد لە تاران
زانایانی ئەتۆمی:
- عەبدولحەمید مینوچەهر
- ئەحمەدڕەزا زولفەقاری
- سەید ئەمیرحسێن فەقیهی
- موتەلیبزادە
- محەمەدمەهدی تارانچی
- فەرەیدوون عەباسی
هێرشەکان لەناو تاران
میدیای ئێران ئاماژەیان بەوە داوە کە هێرشەکان چەندین ناوچەی ستراتیژی و نیشتەجێبوونیان لە باکوور، رۆژهەڵات و رۆژئاوای تاران گرتووەتەوە، گرنگترینیان: نیاوەران، قەیتەریە، سەعادەت ئاباد، ناوچەکانی نزیک فڕۆکەخانەی مێهرئاباد، بارەگای ئەرکانی هێزە چەکدارەکان و ماڵی عەلی شەمخانی، وەزیری پێشووی بەرگری.
شار و دامەزراوە ستراتیژییەکانی دیکە
چەندین دامەزراوەی هەستیاری ئەتۆمی وەک نەتەنز، پارچین و دامەزراوەی ئاوی قورسی ئەراک کراونەتە ئامانج. هاوکات، بنکە سەربازییەکان و شارەکانی وەک کرماشان، پیرانشار، تەورێز، هەمەدان، قوم، خوڕەم ئاباد و قەسری شیرین-یش لە لیستی ئامانجەکاندان.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ