رووداو دیجیتاڵ
لە حەوت مانگی ئەمساڵدا نزیکەی 27 ملیۆن گەشتیاری بیانی بۆ گەشتکردن چوونەتە باکووری کوردستان و تورکیا.
رۆژی هەینی 25ی ئابی 2023 وەزارەتی کولتوور و گەشتوگوزاری تورکیا بڵاویکردەوە، لە حەوت مانگی ئەمساڵدا 26 ملیۆن و 766 هەزار و 240 گەشتیاری بیانی بۆ گەشتکردن چوونەتە باکووری کوردستان و تورکیا و دەشڵێت، بەراورد بە هەمان قۆناخی ساڵی رابردوو، چوونی گەشتیارانی بیانی بۆ ئەو وڵاتە بە رێژەی 16.22% زیادیکردووە.
بەگوێرەی راگەیێندراوەکە، گەشتیارانی رووسیایی لە ریزبەندیی یەکەمدان و لەو حەوت مانگەدا سێ ملیۆن و 498 هەزار و 614 گەشتیاری ئەو وڵاتە چوونەتە تورکیا و باکووری کوردستان؛ گەشتیاری ئەڵمانی بە سێ ملیۆن و 211 هەزار و 724 کەس لە ریزبەندیی دووەمدان؛ گەشتیارانی بەریتانی بە دوو ملیۆن و 63 هەزار و 740 کەس لە ریزبەندیی سێیەمدان؛ گەشتیارانی بولگاری لە ریزبەندی چوارەم و خەڵکی رۆژهەڵاتی کوردستان و ئێرانیش لە ریزبەندیی پێنجەمدا دێن.
وەزارەتی کولتوور و گەشتوگوزاری تورکیا باس لەوە دەکات، لە مانگی تەممووزدا حەوت ملیۆن و 148 هەزار و 44 گەشتیاری بیانی بۆ گەشتکردن چوونەتە ئەو وڵاتە و بەراورد بە مانگی تەممووزی ساڵی رابردوو، ژمارەکە بە رێژەی 7.25% زیادیکردووە.
رۆژی 31ی تەممووزی 2023 محەممەد نووری ئەرسۆی، وەزیری کولتوور و گەشتوگوزاری تورکیا رایگەیاند، لە نیوەی یەکەمی ئەمساڵدا 22 ملیۆن و 945 هەزار و 111 گەشتیاری بیانی بۆ گەشتکردن چوونەتە تورکیا و باکووری کوردستان و بەراورد بە هەمان ماوەی ساڵی رابردوو، ژمارەی گەشتیاران لە بە رێژەی 27% زیادیکردووە.
محەممەد نووری ئەرسۆی راشیگەیاند، داهاتی شەش مانگی کەرتی گەشتیاری 21.7 ملیار دۆلار بووە؛ بەراورد بە هەمان قۆناخی ساڵی رابردوو، 17.5% زیادیکردووە.
بەگوێرەی ئامارەکانی وەزارەتی کولتوور و گەشتوگوزاری تورکیا، پار 46 ملیۆن و 164 هەزار و 954 گەشتیاری بیانی چوونەتە تورکیا و باکووری کوردستان؛ ساڵی 2021یش ژمارەی ئەو گەشتیارە بیانییانەی سەردانی تورکیا و باکووری کوردستانیان کردبوو 30 ملیۆن و 93 هەزار و 446 و لە ساڵی 2019یش 26 ملیۆن و 524 هەزار و 111 گەشتیار بووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ