نێچیرڤان بارزانی و مەزڵووم عەبدی
رووداو دیجیتاڵ
نێچیرڤان بارزانی، سەرۆکی هەرێمی کوردستان لەگەڵ مەزڵووم عەبدی، فەرماندەی گشتیی هەسەدە و ئیلهام ئەحمەد، بەرپرسی پەیوەندییەکانی دەرەوەی بەڕێوەبەرایەتیی خۆسەر کۆبووەوە.
کۆبوونەوەکە ئەمڕۆ یەکشەممە، 15-02-2026، لە پەراوێزی کۆنفرانسی ئاسایشی میونشن ئەنجامدرا. سەرۆکایەتیی هەرێمی کوردستان دەڵێت، دوایین پێشهاتە سیاسی و ئەمنییەکانی سووریا و ناوچەکە و دۆخی كورد و پێکهاتەکانيان له سووريا تاوتوێ كرد.
سەرۆکایەتیی هەرێمی کوردستان لەبارەی کۆبوونەوەکە دەڵێت، نێچیرڤان بارزانی جەختی لە "گرنگیی بەردەوامیی دیالۆگ و لێكگهيشتن بۆ چارەسەركردنى سیاسيیانهى کێشهکان له سووریا کردەوە. بە شێوەیەک کە مافی كورد و هەموو پێکهاتەکان لە چوارچێوەی سووریایەکی یەکگرتوو و له دهستوورى داهاتووى وڵاتدا پارێزراو بێت".
بەگوێرەی راگەیێندراوەکە، مەزڵووم عەبدی "سوپاس و پێزانینی خۆی ئاراستەی جهنابی سهرۆک مهسعود بارزانی و سەرۆکایهتیی ههرێمی کوردستان کرد بۆ هەوڵی بەردەوام و رۆڵی کاریگەريان لەپێناو ئارامكردنهوهى دۆخهكه و گەیشتنی دیمەشق و هەسەدە بە رێککەوتنی ئاگربەست".
بە وێنە؛ کۆبوونەوەی نێچیرڤان بارزانی، سەرۆکی هەرێمی کوردستان لەگەڵ مەزڵووم عەبدی و ئیلهام ئەحمەد لە میونشن pic.twitter.com/FPrtaQaH6L
— Rudaw (@Rudawkurdish) February 15, 2026
سەرۆکایەتیی هەرێمی کوردستان دەڵێت، مهترسييهكانى سهرههڵدانهوهى داعش و ههڕهشهكانى تيرۆر، تهوهرێكى ديكهى كۆبوونهوهكه بوو.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ