رووداو دیجیتاڵ
کۆمیسیۆنی باڵای سەربەخۆی هەڵبژاردنەکانی عێراق دەڵێت، 48 سکاڵا تۆمارکراون و پرۆسەی وەرگرتنی سکاڵاکانیش تاوەکو کۆتایی دەوامی ئەمڕۆ بەردەوام دەبێت.
جومانە غەلای، گوتەبێژی کۆمیسیۆنی باڵای سەربەخۆی هەڵبژاردنەکانی عێراق، ئەمڕۆ چوارشەممە 12-11-2025 بە تۆڕی میدیایی رووداوی راگەیاند، لە هەردوو دەنگدانی تایبەت و گشتیدا 48 سکاڵا تۆمارکراون، بە جۆرێک 39 سکاڵا لە دەنگدانی تایبەت و 9 سکاڵا لە دەنگدانی گشتی تۆمارکراون.
گوتەبێژی کۆمیسیۆن گوتی، پرۆسەی وەرگرتنی سکاڵای دەنگدانی گشتی تاوەکو کۆتایی دەوامی ئەمڕۆ چوارشەممە بەردەوام دەبێت.
رۆژی سێشەممە 11-11-2025 پرۆسەی دەنگدانی گشتی و رۆژی یەکشەممەش دەنگداتی تایبەت بۆ هەڵبژاردنی پەرلەمانی عێراق بەڕێوەچوو.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ