شەقامی ئیسکان لە شاری هەولێر جارێکی دیکە بووە شوێنی گۆڕەپانی شەڕ و ململانێیەکی توندی هاندەرانی یاریی کلاسیکۆ.
بەردەوام ئەم شەقامە لە کاتی بەڕێوەچوونی یاریی نێوان یانەی ریاڵ مەدرید و یانەی بارسا جەنجاڵیەکی زۆر بەخۆیەوە دەبینی، لە دواین یاریی کلاسیکۆش زۆرترین هەواداریی وەرزشی لەوێ کۆبوونەوە، هێشتا رکابەرییەکە لە نیوەدا بوو، بارودۆخی ئیسکان تێکچوو شەڕە دەبە و شەڕە بەرد دەستی پێکرد، رووداو تاکە میدیای وەک کوردی لەو شوێنە ئامادەبوو.
ئاڵۆزییەکان ماوەی دوو کاژێر بەردەوامبوو، گەنجەکان لە دوو بەرەدا بەگژ یەکدا دەچوون و یەکتریان راودەنا، هێزی ئەمنیش تەنها چاودێری دەکردن.
جاریی یەکەم نییە شەڕ و ئاژاوە لە شەقامی ئیسکان روودەدات، هەروەها دوای تەواوبوونی کلاسیکۆ تەقەیەکی زۆریش لە ناو شاری هەولێر کرا.